790

Kırk dördüncü madde
Komisyon azasından birinin vefatı veya kabul olunmuş
istifası vukuunda yerine âhar bir kimesne nasb ve tayin olunur.

Kırk beşinci madde
Müşevveş ve pürüzlü bir davanın teshil-i rüyeti için tarafeynin
ifadât-ı vakıaları ve ibraz edecekleri evrak mealleri üzerine beyan-ı re’y
etmeksizin fakat keyfiyet-i halin ve esbab ve ilellerinin hulâsaten bir rapor toplanı
zımnında Mahkeme-i Ticaret kendi azasından dahi birine ol davayı havale
edebilir işbu rapor dahi tarafeyn hazır oldukları halde meclisde kıraat
olunarak şayet bir gûne sehv ve galat vukua gelmiş ise tarafeynin tashih
ettirmek salahiyeti olacakdır.

Kırk altıncı madde
Bir davanın derece-i kifayede tahkik ve tedkik olunduğu
mahkemece anlaşıldıkda mürafaanın hitam bulmuş olduğu reisi tarafından ifade
olunacak ve badehu tarafeyn hiç bir bahane ile irad-ı kelam edemeyip fakat bazı
itirazat-ı vakıasını müşir derhal reise müzekkere ita edebilecekdir.

( Beşinci Fasıl )

( Tarafeyn muvacehesinde verilen hükümler hakkındadır )

Kırk yedinci madde
Hitam-ı mürafaadan sonra tarafeyn dışarı çıkarılarak
reis-i meclis azanın reylerini toplayacaktır fakat i'tâ-yı re’yden mukaddem
hafiyyen müzakereye lüzum göründüğü halde heyet-i meclis müzakere odasına
çekilebilecektir.

Kırk sekizinci madde
Müzakere olunup da heyet-i meclis i'tâ-yı re’ye muktedir
olabildiği halde der-akab meclis odasına avdet edip hükmü tarafeyne
beyan edecektir ve olamadığı takdirde beyan-ı hüküm keyfiyeti ileride olacak
meclis günlerinden birine ta'lik ile bu esnada müzakeresini edebilecektir.

Kırk dokuzuncu madde
Verilecek hükümler reis ile beraber bilcümle azanın
ittifak veya ekseriyet-i ârâsıyla yani mecmuunun nısfından ziyadesinin bir re’yde
bulunmasıyla hasıl olur.

Ellinci madde
İki nev re’yden ziyade re’y hasıl olup da bunlardan hiç
birisi...