819

Otuz birinci madde: Kânûnnâme-i Ticâret iktizâsınca tüccarın tutmağa mecbûr olduğu defter deâvî kalemi mârifetiyle şerâit-i kânûniyeye tevfîk etdirilecekdir.

Otuz ikinci madde: Ticâret-i bahriyeye dâir deâvî kalemine havâle olunacak kâffe-i evrâkın mevâdd-ı sâbıkada beyân olunduğu vechle îcâbâtı ticâret-i bahriye deâvî kalemi olan mahallerde ol kalem mârifetiyle icrâ olunacakdır.

Otuz üçüncü madde: Deâvî kalemine havâle olunup da kabûlü câiz olmayan evrâk esbâbının beyâniyle Ticâret Nezâretine iâde ve ibtâl etdirilecekdir.

Otuz dördüncü madde: Vilâyetlerde bulunacak deâvî kalemleri mahallî ticâret mahkemelerinin taht-ı nezâretinde bulunacak ve işbu nizâmnâmeye tevfîk hareket eyleyeceklerdir.

( Fasl-ı Sâlis )
( Evrâk tercümesine dâirdir )

Otuz beşinci madde: Ticâret mahkemelerine ibrâz olunacak deâvî evrâkı lisân-ı Türkî üzere muharrer olmadığı hâlde deâvî kalemi mârifetiyle Türkçeye tercüme olundukdan sonra mahkemeye ibrâz olunacakdır.

Otuz altıncı madde: Mahkemeye ibrâz olunacak evrâk hâricden bir kimesne mârifetiyle tercüme etdirilmiş olsa bile tercümenin sıhhati kalem tarafından tasdîk olunmadıkça mahkemeden kabûl olunmayacakdır.

Otuz yedinci madde: Mütercimler kendilerine verilen evrâk meâlini tağyîr etmeksizin tercüme edecek ve tercümenin adem-i sıhhatinden kânûnen mes'ûl olacaklardır.

Otuz sekizinci madde: Tercüme olunacak evrâk sâhibi tarafından kaleme itâ ve ta’rife faslında muharrer resim peşin olarak kalem sandığına îfâ kılınacak ve evrâkın teslîmini müş’ir bir kıt’a sened ahz olunacakdır.

Otuz dokuzuncu madde: Tercüme içün kaleme teslîm olunan evrâka numara vaz’ edilerek sırasıyla hulâsa vechle bir defter-i mahsûsa kayd ve alınan