100

Olundukdan sonra ol mektub ile evrak-ı mezkûre müdir-i mumaileyhin takyid ve ihtimamı tahtında olmak üzere mahalline irsal olunacaktır. Ve her bir sancak içün muhasebe kaleminde başka başka defterler tutularak gönderilen evrakın kısım ve sınıfı ve aded ve mikdarı sarahaten işbu defterlere cinsi cinsine kayd ve tahrir kılınacaktır.

On Altıncı Bend: Taşralarda bulunan mal memurlarına irsal olunacak evrak-ı sahiha esna-yı rahda bir mahalde ilişip kalmamak üzere sahilde bulunan sancaklara gönderilecek evrak-ı sahiha evrak-ı sahiha müdiri tarafından doğruca posta vapurlarına tevdian irsal olunacaktır. Ve dahilinde bulunan sancaklardan dahi iskeleye nihayet yirmi otuz saat kadar bu’du ve sahilden eşya nakline münasib tarîki ve suhuleti olan sancaklara lüzumu olan evrak-ı sahiha dahi semt ve mevki‘ cihetiyle münasib olan iskelelerin mülkiye memurlarına isbal olunup bunlar dahi işbu evrakı orada tevkif etmeyerek nihayet bir iki gün zarfında emin ve mutemed kiracılara tevdian gideceği mahal memuruna göndermeye mecbur ve bu babda edna tesamuh vukuunda mes’ul olacaklardır. Ve bu halde kiracılara itası lazım gelen ücret masarifat defterlerine idhal kılınacaktır. Ve sahilden bu kadar mesafeyi mütecaviz ve baîd olan sancaklara gönderilecek evrak-ı sahiha posta ile irsal kılınacaktır.

On Yedinci Bend: Evrak-ı sahihanın sarf ve irsali zımnında buraca vukuu tabii olan denk masarifi ve vapur navlunu gibi masarif-i sahihanın mikdarını mübeyyin evrak-ı sahiha müdiri tarafından beher mah bir kıt‘a defteri bi't-tanzim Maliye Nezaret-i Celilesi'ne takdim ile tedkikatı icra olundukdan sonra evrak-ı sahiha hasılatından hazinece irad ve masrafı icra kılınacaktır.

On Sekizinci Bend: Suver-i meşruha vechile irsal olunacak evrak-ı sahihanın mahallerine vusulünü müteakiben kendilerine zimmet kayd olunan taşra mal memurları kısım ve sınıf ve derecatı ve kıymeti tasrihan asıl senedini temhir ve tanzim ve ber-minval-i muharrer makam-ı Nezaret-i Maliye'den yazılan mektuba cevab tahrir ile