107

Senedi ve bunu veyahut emr-i tahvilin sâlifü’z-zikr vaz‘ olunacak kâide mûcebince bâlâsına nizâm ve tarifesine tatbikan damgası darb ile resm-i mukarreri ahz olunacak ve bunun içün dahi bir cedvelli defter tutularak her gün usûl-i meşrûha vechle orada damgası darb olunan evrakın nev‘ ve kısm ve sınıfı ve derecâtı ve kıymet ve bahaları ve alınan resmin mikdarı ve tab‘ etdiren âdemin ismi ve san‘atı ve kangı devlet teb‘asından olduğu îzâhan ve sarâhaten bu deftere kayd olunacakdır ve hâsılat-ı vâkıa haftada bir kere idâre sandığına bâ-sened makbuz bi’l-itâ sâir vâridat ile beraber mâliye hazîne-i celîlesine usûlü üzere teslim ve îfa olunacakdır.

Fî 27 Rebîü’l-evvel sene 1278