126

( Suret-i Hatt-ı Hümayun )
( Mucibince amel oluna )
( Saltanat-ı Seniyye’nin Düyun-ı Dahiliye’si Tahvilatının Esham-ı )
( Umumiye’ye tebdiline dair nizamnamedir )
( Fasl-ı Evvel Ahkam-ı Umumiye )

Birinci Madde : Düyun-ı Dahiliye tahvilatından evvelen birinci ve ikinci ve üçüncü ve dördüncü tertib esham-ı cedide saniyen tahvilat-ı mümtaze salisen on senelik sergiler esham-ı umumiye’ye tebdil olunacaktır. Tahvilat-ı mezkurenin mübadelesi işbu nizamnamenin mevad-ı atiyesinde muharrer şerait ve surete tevfikan icra kılınacaktır.

( Fasl-ı Sani Esham-ı Cedide’nin Tebdili )

İkinci Madde : Birinci ve ikinci ve üçüncü ve dördüncü tertib esham-ı cedideden re’sü’l-mal itibariyle yüz Mecidiye altınlık esham mukabilinde yine re’sü’l-mal itibariyle yüz yirmi bir Mecidiye altınlık yani yüz on lira-yı isterlinlik ve iki bin yedi yüz elli franklık esham-ı umumiye verilecektir.

Üçüncü Madde : Esham-ı umumiyenin birinci faiz taksiti gelecek Temmuz ibtidasında vaki olup halbuki birinci ve ikinci ve üçüncü tertib esham-ı cedidenin taksitleri Mart ibtidasında ve dördüncü tertibin taksiti dahi Mayıs ibtidasında vaki olduğundan esham-ı cedidenin işbu faiz taksitleri ber-vech-i ati tediye kılınacaktır. Birinci ve ikinci ve üçüncü tertibin faizleri ber-minval-i sabık Mart ibtidasında ifa olunacağı misillü bunların ashabına itası lazım gelen esham-ı umumiyenin birinci kuponu kat’ ve ihrac ile anın yerine Mart ibtidasından Temmuz ibtidasına kadar senevi yüzde beş hesabıyla zikr olunan esham-ı umumiyenin dört aylık faizi olarak gelecek Temmuz ibtidasında tediye olunmak üzere esna-yı mübadelede başkaca bir kupon verilecektir. Dördüncü tertibin faizi dahi ke’l-evvel Mayıs ibtidasında tediye olunacağı gibi ashabına verilmesi lazım gelen esham-ı umumiyenin birinci kuponu kat’ ve ihrac olunup anın yerine Mayıs ibtidasından Temmuz ibtidasına kadar senevi yüzde beş hesabıyla zikr olunan esham-ı umumiyenin iki aylık faizi olarak
Temmuz