127

Temmuz ibtidasında te’diye olunmak üzere esna-yı mübadelede başkaca bir kupon
ita olunacakdır dördüncü tertib esham-ı cedidenin gelecek nisan
ibtidasında çekilmesi lazım gelen kur’ası emr-i mübadelenin teshil-i icraatı zımnında
işbu nizamnamenin ilanı akibinde yani vaktinden evvelce keşide olunacakdır

( Fasl-ı salis tahvilat-ı mümtazenin tebdili )

Dördüncü madde re’sülmal itibariyle yüz mecidiye altunluk tahvilat-ı mümtaze
mukabilinde yine re’sülmal itibariyle yüz kırk üç mecidiye altunluk yani yüz otuz
lira sterlinlik ve üç bin iki yüz elli franklık esham-ı umumiye ita
olunacakdır

Beşinci madde tahvilat-ı mümtazenin gelecek temmuz faizi ber-minval-i sabık taksiti
duhulünde ifa olunacağından bunların ashabına verilmesi lazım gelen esham-ı
umumiyenin kezalik gelecek temmuz ibtidasında vaki olan birinci kuponu
kat’ ve ihrac olunup öylece verilecekdir

Altıncı madde re’sülmal itibariyle on bin kuruşluk on senelik sergi
mukabilinde yine re’sülmal itibariyle yüz on mecidiye altunluk yani yüz lira
sterlinlik ve iki bin beş yüz franklık esham-ı umumiye ita olunacakdır

Yedinci madde on senelik sergilerin gelecek haziran ibtidasına kadar işlemiş
ve işleyecek olan faizleri nakden üç taksit ile yani bir sülüsü bin iki yüz
seksen senesi temmuzu ibtidasında ve bir sülüsü sene-i mezkure kanun-ı sanisi
ibtidasında ve sülüs-i ahiri dahi bin iki yüz seksen iki senesi temmuzu
ibtidasında ifa olunacakdır on senelik sergilerin ashabına i’tası
lazım gelen esham-ı umumiyenin birinci kuponu kat’ ve ihrac olunup anın
yerine evvel-i hazirandan temmuz ibtidasına kadar senevi yüzde beş hesabiyle
esham-ı mezkurenin bir aylık faizi olarak temmuz ibtidasında te’diye olunmak üzere
bir kupon ve saniyen ber-vech-i bala haziran ibtidasına kadar işlemiş olan
faizlerin bedeli olmak ve esham-ı mezkurenin taksitleriyle bir vakitde yani biri