130

Şirketler içün dahi bin iki yüz seksen senesi Kânûn-ı Sânîsi ibtidâsından
bin iki yüz seksen bir senesi Haziranı ibtidâsına kadar işleyecek olan fâizlerini
nakden te’diye etmeleri lâzım gelecek ve o takdîrde eshâm-ı mezkûre birinci kuponı
kat’ ve ihrâc olunmaksızın verilecekdir işbu te’diye-i nakdiye tebdîli murâd
olunan tahvîlâtın hîn-i teslîminde icrâ olunacak ve muvakkat senedde dahi zikr
ve beyân kılınacakdır

( Fasl-ı Sâdis Ahkâm-ı Muvakkate )

On dördünci madde işbu nizâmnâmenin tesrî’-i icrâsı zımnında Mâliye Nezâretiyle
bi’l-ittihâd îcâb eden kâffe-i tedâbîrin ittihâzına ve bu husûsa müteferri’ olan bi’l-cümle
mukâvelâtın akdine Makâm-ı Sadâret-i Uzmâ me’zûndur
On beşinci madde Makâm-ı Sadâret-i Uzmâ ile Umûr-ı Mâliye Nezâreti işbu nizâmnâmenin
icrây-ı ahkâmına me’mûr olub nizâmnâme-i mezbûr târîh-i i’lânından i’tibâren
mer’iyyü’l-icrâ olacakdır işbu nizâmnâme bin iki yüz seksen senesi
Zi’l-ka’de-i Şerîfesinin dördünci gününde vâki’ şehr-i Martın on dokuzuncı
güni i’lân olunmuşdur

Sihâm