138

On yedinci madde: Divan-ı Muhasebat’ın daimî suretle on nefer kavası olup bunların dört neferi maliye ve el-baki neferi muhakeme daireleri umur-ı ihzariyesinde istihdam olunacak ve vazife ve hizmetleri daire-i muhakeme vezaif-i mahsusası zeylinde gösterildiği minval üzere olacaktır.

( Kısım-ı Sani )
( Maliye dairesinin vezaif-i mahsusasıdır )

Birinci madde: Bilcümle eyalat ve elviye ile Dersaadet’te vaki ve Hazine-i Celile’ye tabi olan emanet ve nezaret ve idarelerin usul ve nizamı vechile be-her sene hitamında kaffe-i varidatiyle masarifat ve medfuat ve irsalat ve bakaya ve zimmatının muhasebeleri bi’r-rü’ye tanzim ve takdim olunmakda bulunan sal muhasebe defterleri doğruca mensub olduğu aklam-ı hazineye verilip kuyudiyle tatbik ve cihat-ı hesabiye ve nizamiyesi bi’l-etraf tetkik edildikten sonra bir kıt’a hulasa pusulası terkim edilerek ve muhtac-ı müzakere bazı ilişikli maddeler olduğu halde keyfiyetleri balalarında gösterilerek Divan’a havale ile Maliye Dairesi icra-yı tetkikat-ı kamile ve bakaya ve zimmat gösterilen mebaliğin esbabını bi’t-teharri suver-i tahsiliyesini mütalaa eyleyerek netice-i kararını ba-mazbata canib-i nezarete beyan edecektir.

İkinci madde: Mal memurları tarafından muhasebatın tanzim ve irsalinde sebeb-i makbule mebni olmayarak bir güne taallül ve teahhur vukubulur ise varidat muhasebesi canibinden vaktiyle ba-tezkere beyan-ı keyfiyet olunarak o makule hareketde bulunan memur hakkında iktiza edecek muamele maliye dairesinde bi’t-tezekkür icabını ve iktiza eder ise masarif-i vakıası sahib-i cünhaya aid olmak üzere memur-ı mahsus izamiyle henüz vürud etmeyen muhasebenin celb ve istihsali hususu daire-i mezkure ba-mazbata canib-i nezarete inha edecektir.

Üçüncü madde: Daire-i maliye umur-ı hesabiyelerinde azli mucib halatı zuhur eden maliye memurlarının lüzum-ı tebdilini maliye nezaret-i celilesine ba-mazbata beyan edecektir.

Dördüncü