141

Ve davet tekerrür etdikçe cezay-ı nakdî dahi taza’uf edeceği gibi üçüncü defada yine gelmez ise o halde zabtiyeye verilerek getirilecek ve bu cezay-ı nakdî tahsilat memuriyeti marifetiyle tahsil kılınacaktır.

Sekizinci Madde: Davet olunanlardan bir gûne özr-i makbûle mebnî gelemeyecek bulunduğu takdirde o misillüler mazeret-i vakıalarını gönderilecek celb pusulasının zahrına yazarak ileride vakit geleceğini bildirecek. Ve maruf olmayanlar dahi vaki olan özürlerini mensub oldukları mahalle imam ve muhtarlarıyla esnaf kethüdası veyahud han odabaşısı tarafından tasdik ettirecektir. Ve bunlardan özürlerinin sahih olmadığı muahharen tebeyyün edenlere yedinci maddede beyan kılınan adem-i icabet hükmü verilecektir.

Dokuzuncu Madde: Daire-i muhakemeye mahsus olarak tezkere ve tahrirat ve pusula heyetinde üç nev evrak kesilip balalarına yedinci bendin hülasa-i hükmü tab ettirilerek celbi lazım gelenlerden Dersaadet’te bulunanlara icabı vechile tezkere veyahud pusula ve taşrada olanlara tahrirat gönderilip gelmek için tayin olunacak gün ve saat o tezkere ve pusula ve tahriratda gösterilecek ve bu babda taşraya gönderilecek muharrerat nezaret mührüyle ve tezkereler divan reisi imzasıyla irsal ve tesyer ve adi celb pusulaları kitabet mührüyle temhir kılınacaktır.

Onuncu Madde: Muamelat-ı maliyece icab edenler rütbe-i vizarete kadar rüteb-i askeriye ve saireyi haiz olsa dahi bila-istisna bu kaide üzerine davet ve celb olunabilecektir.

On Birinci Madde: Müddeinin talebi üzerine ihzar olunacaklar haksız olarak celb olundukları halde taraflarına terettüb edecek masarif ve ziyanı tazmin edeceğine dair müddei mütemerrid kaidesine tevfikan kefalete rabt olunacaktır.

On İkinci Madde: Beher gün muhakemeye celb ve davet olunacak ashab-ı mesalihing esami ve sebeb-i celbleri muhtasar ve müfidce ve dairenin müretteb olan kayd defterinin numarası tertibce defter-i mahsusa kayd ile ana göre evrak