161

hazinece kabul olunmayıp mücasiri üç aydan iki seneye kadar hapis
yahud altı aydan üç seneye kadar nefy ile mücazat olunacaktır

Otuz dokuzuncu bend: Evkaf-ı mazbutadan icare-i vahideli bulunan müsakkafat
ve saireden kilitli olanların a'şar misillü bil-müzayede toptan veyahut müteferrikan
ihalesinden hangisinde menafi-i hazine görünür ise bedelatı vakti ve zamanıyla
tediye olunmak üzere meclisçe kavi kefile rabt ile ol-vechile zuhur edecek
taliplerine ihale olunarak senesi hitamında icareleri kâmilen tahsil ve mikdarı
defterine kayd ve terkim birle hiç bir akçe bakaya bırakılmayacak ve minel-kadîm teamül
cari olmayan yerlerde icare-i tavile tecviz olunmayacağından bunların ihalesi
nihayet üç seneden ziyade olmayacaktır

Kırkıncı bend: Vakıf dahilinde bulunan yerlerden birinin mülk olan bir mahal ile
istibdali lazım geldikde ol emrde şurut-ı istibdaliye mevcud olduğu marifet-i
şer'le sabit oldukdan sonra ba-ilam ve mazbata bil-istizan müteallik buyurulacak
irade-i seniyye üzerine icra olunageldiği ve irade-i seniyye istihsal olunmaksızın
icra olunan istibdaller şer'an sahih olmadığı cihetle şayet bunun hilafına olarak
her ne suretle olur ise olsun istibdal icra olunur ise kat'an muteber
tutulmayıp o misillü istibdaller feshedilecek ve bu işe cüret edenler her kim ise
üç aydan iki seneye kadar hapis veyahut altı aydan üç seneye kadar
nefy olunacaktır

(Yedinci fasıl müsakkafat ve müstegallatın ferağ)
(ve intikalat ve senedatına dairdir)

Kırk birinci bend: Mazbut ve mülhak kâffe-i evkaf-ı şerife müsakkafat ve müstegallatının
ferağ ve intikalat ve mahlûlatı vukuuyla veyahut atik temessükleri fersude
ve suret-i uhra ile istimale gayr-i kabil veya zayi olmasıyla temessük itası
lazım geldikde hazineden üç adedi bir varakda olarak tab' ettirilip
irsal kılınan koçanlı ilmühaberlere kimin uhdesine geçecek ise nüfus
ceridesi kaydına müracaatle isim ve şöhreti ve sıfatı ve mahalli ve hududu ile
zira' ve kıymet ve mahalle ve icarelerinin ve alınacak harçların ve işbu harçlardan
ni
21