166

ve-yahud hazineden havale olunan yere verilecek mebaliğin humsu müdürlere aid
olacaktır ve yalnız Bağdad Evkaf Müdürlüğü müstesna olarak mukaddemce bi'l-irade-i
seniyye kararlaştığı vechle öşür alınacaktır.

Kırk sekizinci bend: Evkaf müdürleri yalnız ânifen beyan olunduğu vechle hums
almağa me'zun oldukları vâridâtdan kendü zamanlarında marifetleriyle tahsil olunan
mebaliğin humsunu alacak ve müddet-i idareleri hâsılât ve vâridâtından kendü
marifetleriyle tahsil olunmayan mebaliğin humsunu almayıp bu misillü bakâyânın
humsu haleflerinden kimin marifetiyle tahsil olunur ise ana aid olacaktır.
Hulâsa evkaf müdürü gerek kendü zamanı vâridâtından olsun ve gerek
eslâfı müddet-i idareleri vâridâtından bulunsun mahallinde kendü tahsil
eylediği mebaliğden hums alıp kendü müddet-i idaresi vâridâtından olsa
dahi tahsil edemediği vâridâtdan hums alamayacaktır.

Kırk dokuzuncu bend: Evkaf müdürleri kendü zamanında ziyade hums ahzı
garazıyla müddeti munkaziye olmadan akarât-ı vakfı âhare ihale ve ilzam ve-yahud
musakkafât ve sâire mahlûlâtı nizamı vechle mezad ve istizan ile nihayet
kararından evvel füruht ve icâr edemeyecektir ve eder ise hazinece kabul
olunmayacaktır ve bu cihetle vuku bulacak zarar ve ziyan dahi müdüre
tazmin ettirilecektir.

Ellinci bend: Beher sene rüyet-i muhasebesi nizamından olan vakıfların mürettebatından
hums almak için senesi tekmil olmaksızın muhasebeleri görülmeyip senesi
kangı müdürün müddetinde tekmil olur ve hâsılât-ı vakıa ol müddetde vakıfları
tarafına te'diye kılınmış bulunur ise muhasebeleri ol müdür marifetiyle görülüb
andan hâsıl olan hums dahi ol müdüre aid olacak ve muhasebe müdür-i sâbık
marifetiyle görülüb de hâsılât-ı vakıası vakfı tarafına müdür-i lâhik zamanında
te'diye olunduğu takdirce dahi humsu müdür-i lâhika râci bulunacaktır.

Elli birinci bend: Bazı evkaf-ı şerifenin mahallinde olan musakkafât ve müstegallât
ve vâridât-ı sâiresinden başka diğer eyalet ve sancak dahilinde dahi kurâ ve mezâri'
ve arâzisi