184

( Maârif-i Umûmiye Nizâmnâmesidir )

( Bâb-ı Evvel )

( Mekâtibin aksâm ve derecâtı beyânındadır )

Birinci Madde: Memâlik-i Devlet-i Aliye’de bulunan mekâtib esâsen iki kısma münkasimdir. Birincisi mekâtib-i umûmiyedir ki nezâret ve emr-i idâresi devlete âittir. İkincisi mekâtib-i husûsiyedir ki yalnız nezâreti devlete ve te’sîs ve idâresi efrâd veyâhud cemâate âittir.

( Kısm-ı Evvel )

( Mekâtib-i Umûmiye )

İkinci Madde: Merâtib-i tahsîliye esâsen üçtür. Birincisi sıbyân ve rüşdiye ve ikincisi idâdiye ve sultâniye mekteblerine ve üçüncüsü mekâtib-i âliye’ye mahsûs olan derslerdir. Bu cihetle memâlik-i Devlet-i Aliye’de mekâtib-i umûmiye beş sınıfa münkasimdir. Birincisi sıbyân, ikincisi rüşdiye, üçüncüsü idâdiye, dördüncüsü sultâniye mektebleri olup beşincisi dahi mekâtib-i âliyedir.

( Fasl-ı Evvel )

( Mekâtib-i Sıbyâniye )

Üçüncü Madde: Her mahalle ve karyede ve îcâbına göre bir iki mahalle veyâhud bir iki karyede lâ-akal birer sıbyân mektebi bulunacak ve muhtelit olan karye ve mahallelerde İslâm mektebi başka ve atfâl-i gayr-i müslime mektebi başka olacaktır.

Dördüncü Madde: Sıbyân mekteblerinin mesârif-i inşâiye ve ta’mîriyesi ve muallimlerinin muhassasâtı ve mesârif-i sâiresi mahalle ve karyesinde bulunan cemâatlerin hey’et-i umûmiyesi tarafından tesviye olunacaktır.

Beşinci Madde: Mekâtib-i sıbyâniye içün iktizâ eden muallimler nizâmnâmesine tevfîkan intihâb ve ta’yîn kılınacaktır.

Altıncı Madde: Mekâtib-i sıbyâniyenin müddet-i tahsîliyesi dört sene olup zîrde muharrer dersler tedrîs olunacaktır. Usûl-i cedîde vechile . Elifbâ

Kur’ân