201

Yüzüncü Madde: Talebenin esâmîsini mübeyyin cedvelli bir defter yapılıp beher gün her biri imzasını vaz‘ etmeğe mecbur olacaklardır. Muallimleri haftada bir defa işbu cedvelleri muayene edip gelmeyenleri kayd edeceklerdir.

Yüz Birinci Madde: Üç ay zarfında devam etmiş olan talebeye muallimler tarafından bir müdâvemet şehâdetnâmesi i‘tâ olunacaktır.

Yüz İkinci Madde: Talebe beher sene hitâmında yedinde dört kıt‘a kayd pusulası bulunduğu halde mensûb olduğu şu‘beden sene-i merkûme zarfında tedrîs olunan ‘ulûmdan imtihân olunacak ve birinci imtihânı verince beşinci kayd pusulasını taleb edemeyeceği misillü ikinci imtihânı vermeyince dokuzuncu kayd pusulasını alamayacak ve hitâm-ı tahsîline kadar bu vechle muâmele olunacaktır.

Yüz Üçüncü Madde: Talebe üçüncü senenin hitâmında evvelâ o sene okuduğu derslerden sâniyen bulunduğu şu‘benin cemî‘ derslerinden imtihân olunacaktır.

Yüz Dördüncü Madde: Yüz üçüncü maddede muharrer olan iki imtihânı kazanan talebe şu‘be idâresi tarafından teklîf olunan bir mes’eleye dâir kaleme aldığı müsveddeyi şu‘besi müdîrine takdîm edecek ve müdîr-i mûmâileyh işbu müsveddeyi şâyân-ı kabûl ‘add ettiği halde şu‘be muallimlerinden mürekkeb imtihân komisyonuna ibrâz olunmasıçün müsveddine ruhsat i‘tâ eyleyecektir.

Yüz Beşinci Madde: İmtihân komisyonunda müsvedde-i ma‘rûzası hakkında vâki‘ olacak es’ileye ecvibe-i kâfiye i‘tâ eden talebeye Dârülfünûn’un mührüyle memhûr ve şu‘benin müdîri ve kâtibi ile Dârülfünûn nâzırı imzalarıyla mümzâ bir şehâdetnâme verilecek ve işbu şehâdetnâme üzerine imtihân nizâmnâmesine tevfîkan me’zûniyet ruûsu i‘tâ kılınacaktır.

Yüz Altıncı Madde: Müderris olmak isteyen talebe me’zûniyet ruûsunu aldıktan sonra bir sene daha kayd pusulalarını alıp me’zûniyet hakkında cârî olan usûle tevfîkan imtihân olduktan ve bir mes’ele-i ilmiyeye dâir iktizâ eden müsveddeyi