21

Olan mikdarı düyun defteri namıyla bir deftere kayd olunacaktır ve işbu defterde mukayyed olan bakayanın tahsilatıyla düyundan vaki olan teslimat sene-i âtiye defterinde ayru bir fasıl olarak gösterilecektir.

( Madde-i Mahsusa )

Mülkiye ve maliye memurlarının tebdili vukuunda usul-i cariye veçhile mahallinde halef marifetiyle meclisçe kâffe-i muhasebatı rü’yet ve tedkik ile tanzim olunacak zeyli mazbatalı defteri halef ve selef tarafından dahi tasdik ve temhir ve doğruca hazine-i celileye takdim ve tesyer olunacak ve bu veçhile selefin müddet-i idaresi varidatı tahsilatından gayr-i ez sarf mevcud sandığı ve bakayası halefin taht-ı tasdikine dahil olacağı ve hazine-i celilece ve vilayetçe dahi selefe aynen ve bedelen zimmet kayd ile ita olunmuş olan enva-ı evrak-ı sahiha ve tezakirden sarf edemeyüb halefe devr etmiş olduğu şeyler selefin zimmetinden tenzil ile halefe zimmet kayd olunacağı cihetle meclisçe kaide-i teslim ve tesellümün bihakkın icrasına itina ve eğer halef ve selef tarafından kabul olunmaz şeyler bulunur ise keyfiyeti defter-i muhasebede maddesi balasına şerh verilerek başkaca dahi inha kılınacaktır ve devletçe emr-i kat’i olmadıkça rü’yet-i hesab etmeksizin selefin mahallinden hareket ve azimeti caiz olamayacağından bu misillü emr-i mahsus ile hareket edecek olanlar sıfat-ı sahiha ve resmiye ile vekil bırakıp hesabını anın vasıtasıyla gördürecek ve madde-i muhasebenin her ne mahalde olur ise olsun tul-i müddet alıkonulması dahi tecviz kılınmayacaktır ve emr-i muhasebeyi taarruz veyahud irtisamah ve betaet olarak te’hire mutasaddi olacak halef selefini mazur etmiş demek olacağından o makuleler tazmin-i masraf mes’uliyetine dahil olacaklardır ve aklamda mahfuz olan evamir-i aliye ve senedat ve evrak-ı saire-i lazime ba-sened selefden halefe devr olunarak bunların içlerinde memurinin beraet-i zimmetine medar ve sened olacak şeyler bulunduğu halde mümza suretlerini alabilmeleri caiz olacaktır.