220

( Dersaadet’de ve Memalik-i Şahanede tab‘ ve neşr olunan her nevi gazete )
( ve evrak-ı havadis-i mülkiye ve politikiye tab‘ ve neşri hakkında )
( bu kerre tanzim olunan nizamnamedir )

( Birinci Fasıl )
( Mevadd-ı Umumiye )

Birinci madde her hangi lisanda olur ise olsun mevadd-ı politikiye ve mülkiyeyi şamil olmak üzere gerek suret-i muntazama ve evkat-ı muayyenede ve gerek cüz’ ve cüz’ ve evkat-ı gayr-i muayyenede gazete ve sair evrak-ı mürettebe istihsal-i ruhsat olunmaksızın ihdas ve neşr olunmayacaktır. Ve misillü gazete ve evrakın neşrine talib olanlar evvel-emirde tanzim edeceği istid‘anamelerini tebaa-i Devlet-i Aliye’den oldukları halde Maarif Nezaret-i Celilesine ve tebaa-i ecnebiyeden bulundukları surette Hariciye Nezaret-i Celilesine takdim edeceklerdir. Nezareteyn-i müşarüleyhima taraflarından dahi üçüncü maddede münderic olan şeraitin tamamıyla mevcud olduğu ba‘de’t-tahkik iktiza eden ruhsat ita buyurulacak ve ruhsat senetleri Matbuat Kaleminden verilecektir.

İkinci madde Eyalat-ı Şahanede bu misillü gazete ve evrak neşrini arzu edenler evvel-emirde Vali-i Eyalete istid‘aname takdim edip Vali tarafından dahi ol şahıs tebaa-i Devlet-i Aliye’den ise Maarif Nezaretine ve tebaa-i ecnebiyeden olduğu halde Makam-ı Nezaret-i Celile-i Hariciye’ye arz ve inha olunarak üçüncü maddede beyan olunan şeraitin mevcud olduğu sabit oldukta icab eden ruhsat senedi Vali-i Eyalete irsal kılınacaktır.

Üçüncü madde gazete ihdas edecek adam tebaa-i Devlet-i Aliye’den olur ise la-akal otuz yaşını tekmil etmiş ve Ceza Kanunname-i Hümayununun tayin ettiği cinayet ve cünhalardan dolayı aleyhine hüküm terettüb etmemiş olduğu ve kaffe-i hukuk-ı şahsiyesine tamamen ve bilfiil mutasarrıf bulunduğu halde ruhsata nail olacak ve tebaa-i ecnebiyeden bulunur ise işbu nizamname ahkamından olan vezaif ve teklifata tebaa-i Devlet-i Aliye misillü tabi olmak ve matbuatça bir güne kabahat ve cünhası vukuunda hakkında gerek hükûmetçe ve gerek mahkemece

icra