232

Bir sureti zîrde derc ve imla kılınmışdır. Nizam-ı mezkûr mütalaasından dahi anlaşılacağı vechle müsabakaya konulacak kitabların müellifleri red veyahud kabulden evvel meclisçe meçhul olacağından şu usul bu babda ittihaz olunacak kararın bîtarafane olmasını te’min edeceği meczumdur. Bu kitablar meşk mecmuasından maadası salname hacminde küçük kıt’ada olacak ve fakat derunlarına harita ve cetvel konulduğu halde bunlar iktizasına göre katlanacaktır. Red olunan kitablar mahv olunmak iktiza etmeyip bunları müellifleri yine tab ve neşr edebileceklerinden reddi müelliflerinin me’yusiyetlerini mucib olamaz. Bundan kat-ı nazar kabulüne mani olan esbab bir pusulaya yazılarak beraber iade olunacağından müellif ba’de ıslah ile tekrar Meclis-i Maarif’e takdim edebilir. Mazhar-ı mükafat olarak kabul olunan kitabların itibarı mevcuda nisbetle olduğundan ileride daha a’lâları zuhur ettiği halde anlara dahi derecesine göre mükafat verilecektir. Bu hususda daha ziyade malumat almak isteyenler tahrîren veyahud şifahen Meclis-i Kebir-i Maarif’in Daire-i İlmiyesi’ne müracaat eylemeleri iktiza eder.

( Te’lif veyahud tercüme olunacak kitablara dair )
( Nizamnamedir )

Birinci Madde: Bu kitablar üç nev’dir. Birincisi cesamet ve saûbetine göre mükafat-ı nakdiye tayiniyle müsabakaya vaz olunan ve ikincisi sipariş olunmadığı halde haricden takdim olunan ve üçüncüsü bir bedel-i maktû tayiniyle bir zata tercüme veyahud te’lif etdirilen kitablardır.

( Nev-i Evvel )
( Müsabakaya vaz olunan kitablar )

İkinci Madde: Müsabakaya konulan kitabların beyanname ve şerâiti Muharrem’den itibaren senede dört defa gazeteler veyahud evrak-ı mahsusa ile ilan olunacaktır.

Üçüncü Madde: İşbu kitablara üç derece mükafat tayin olunmuşdur. En a’lâsına birinci mükafat ve bunun madununda bulunana ikinci mükafat ve üçüncüsüne zikr-i cemil ita olunacaktır.

Dördüncü