234

Onuncu Madde: Bu vechle vürûd edecek kitâbların üzerinde bulunan ibâre-i ma'hûde bir defter-i mahsûsa kayd olunacak ve vürûdu tertîbiyle iktizâ eden numrosu deftere vaz' edildikten sonra işbu numro kitâbın ve melfûfu bulunan memhûr zarfın üzerine dahi konulacaktır.

On Birinci Madde: Müsâbakaya konulacak kitâblar ta'yîn olunan vakt mürûrundan sonra getirildiği hâlde kabûl olunmayacaktır. Fakat o kitâb lede'l-îcâb tekrâr i'lân olunur ise o hâlde müddet-i muayyinesi zarfında kabûl olunacaktır.

On İkinci Madde: Ta'yîn olunan müddetin mürûrunda kütüb-i mevrûde meclisçe lede't-tedkîk içlerinden lâzım gelenler kabûl ve mükâfâtları ta'yîn kılındıktan sonra mükâfâtın tevzî' olunacağı gün dahi gazeteler vâsıtasıyla i'lân kılınacaktır.

On Üçüncü Madde: Tevzî'-i mükâfât günü Ma'ârif Nâzırı Devletlü Paşa Hazretleriyle dîger vükelâ-yı fihâm ve me'mûrîn-i kirâm hazerâtından ba'zı zevât Meclis-i Kebîr-i Ma'ârif'de hâzır oldukları hâlde kabûl olunan kitâblar meydâna getirilip melfûfları olan zarfların mühürleri beynü'l-huzzâr fekk olunarak müellifleri kim olduğu beyân olunacak ve hemân ol meclisde mükâfâtnâmesi makâm-ı nezâretten kendisinin yedine teslîm kılınacaktır.

( Nev'-i Sânî )

( Sipâriş olunmadığı hâlde hâricden getirilen kitâblar )

On Dördüncü Madde: Sipâriş olunmadığı hâlde hâricden takdîm olunan kitâblardan şâyân-ı i'tibâr olmayan 'âdîlerinden mâ'adâsı iki sınıf olup birisi mekâtibe ve dîgeri umûma mahsûs olacaktır.

On Beşinci Madde: Mekâtibe mahsûs olan kitâblar ber-vech-i âtî üç nev' olup birincisi mekâtibde isti'mâli tavsiye olunan kitâblardır ki bunlara birinci mükâfât verilecektir. İkincisi mekteblerde isti'mâl olunmak üzere tahsîn olunan kitâblardır ki bunlara ikinci mükâfât i'tâ olunacaktır. Üçüncüsü mekteblerde isti'mâline ruhsat verilen kitâblardır ki bunların müellifleri zikr-i cemîle müstahak olacaktır.

On