242

ve rical ve tevarih daima gösterilüp bunlar yalnız vukuat-ı mühimmede zikrolunacakdır

Tarih-i Osmanî yüz sahife kadar olacak ve birincisine beş bin ve ikincisine
üç bin guruş mükâfat verilecekdir işbu tarihin te’lifi içün dört ay
müddet tayin olunmuşdur

( İnşa Risalesi )

Fenn-i inşa ve mükâtebata dair kavaid-i umumiyeyi şamil bir mukaddime-i münasibe mektub
ve arzuhal ve senedat suretleri işbu risaleye ekseriya münşaat kitablarında
görülen mustalah ve mutavvel mevaddan bir şey derc olunmayıp dört beş satırlık
ve nihayet bir sahifelik mektublar yazılacakdır ibaratı dahi çocukca
lakırdı söyler gibi sade olacakdır mektublar tebrik ve teşekkür ve tavsiye
ve taziye ve emsali fasullara taksim kılınacakdır
İnşa risalesi yüz sahife kadar olacak ve birincisine beş bin ve ikincisine
üç bin guruş mükâfat verilecekdir işbu risalenin te’lifi içün dört
ay müddet tayin olunmuşdur

( Edebiyat-ı Manzume )

Şiirin tarif ve mevzu ve gayesine ve hususat-ı sairesine dair bir mukaddime-i
muhtasara münacat, na’t-ı resul, sitayiş-i padişahî, evzan ve kavafi-i
muhtelifede her dürlü eşar, işbu eşarın yeniden nazmına hacet olmayıp
meşahir-i şuara asarından intihab ile zirine nazımın ismi dahi vaz’
olunacak ve adab-ı umumiyeye mugayir elfaz ve efkâr bulunmamasına dikkat edilecekdir
hikem ve nasaih ve letaif ve hikâyat ve emsali fasıllara taksim olunacakdır işbu
risale yüz sahife olacak ve birincisine beş bin ve ikincisine üç bin guruş
mükâfat verilecekdir edebiyat-ı manzume risalesinin te’lifi içün dört ay
müddet tayin olunmuşdur

( Şevaz-ı İmla )

İşbu risalenin mevzuu Türkçe kitabetde ( lakin kezalik hâhiş ) gibi
imlası kaideye mugayir olarak yazılan kelimatdır gayesi o makule kelimatı kolaylıkla
şakirdana talim etmekdir zirde gösterildiği veçhile mebhus-ı anh olan
kelimatın