244

Ve bunları nasıl isti‘mâl eylemek iktizâ edeceğine ve sâir usûl-i hattâtiyeye dâir bir mukaddime. Sülüs kâidesine muvâfık olarak amûdî ve ufukî ve münhanî keşîdeler. Ba‘zı hurûf-ı mukatta‘anın cüz’-i ahîrleri olan kâseler. Vav ve cim ve sad ve emsâli ba‘zı hurûf-ı mukatta‘anın yalnız cüz’[i] evvelleri. Hurûf-ı mukatta‘anın envâ‘ı. Nikât ve harekât. Hurûf-ı mukatta‘adan her birinin kavâid-i hattâtiyece noktalarla mikdârının ta‘yîni. Her harfin evvel ve âhir kelimede ne şekilde vâki‘ olduğuna misâl olmak üzere iki harfli kelimeler. Harfin vasat-ı kelimede ne şekilde vâki‘ olduğuna misâl olmak üzere üçer dörder harfli kelimeler. Tehzîb-i ahlâka müte‘allik Arabî ve Türkî ibâreler. Hatt-ı nesih ile kezâlik Arabî ve Türkî ibâreler. Hatt-ı rık‘a ile yalnız Türkî ibâreler. Hatt-ı dîvânî kezâ. Hatt-ı ta‘lîk ile Fârisî ve Türkî ibâreler.

İşbu mecmû‘a sığırdili ta‘bîr olunur şekilde yapılarak hutût dahî kürsüleri ya‘nî hurûfun mevki‘leri göstermek üzere ufukî olarak çekilmiş ince çizgiler üzerine yazılacakdır. Mevâd-ı meşrûhadan başka hüsn-i hat tahsîlini teshîle medâr olacak her dürlü usûl dahî ilâve kılınmışdır. Meşk mecmû‘asının birincisine beş bin ve ikincisine üç bin guruş mükâfât verilecekdir. İşbu mecmû‘anın tertîbi içün dört ay müddet ta‘yîn olunmuşdur.

Fî 12 Safer sene 1287

Mekteb