246

15 Riyaziyat-ı aliye hukuk ilm-i idare-i mülk hâlâ mevcud değilse de an-karib tertib olunacaktır.

16 İngiliz İtalya Bulgar Ermeni lisanları umum derslerinden add olunmayıp şakirdanın familyaları tarafından istid'a olunduğu suretde kendü masraflariyle ta'lim olunacaktır bunlardan başka suret-i mükemmelede bir idmanhane tertib olunup şakirdanın sinnlerine göre her dürlü alât ve edavat vasıtasiyle bütün müddet-i tahsillerinde jimnastik fenni dahi ta'lim edilecektir.

Beşinci Madde
Her sınıf şakirdan mensub olduğu millet ve mezhebin ayin ve adatını icraya mecbur olacağından millet-i müslime şakirdatı mektebe mahsus olan cami-i şerife devam ettirilib vezaif-i diniyelerini ta'lim etmek üzere mahsus bir imam bulunacaktır kezalik millet-i gayr-i müslime şakirdatı dahi mensub oldukları ma'bedlere gönderilüb usul-i mezhebileri matlubları vechile ta'lim ettirilecektir.

Altıncı Madde
İdadi sınıfına dahil olmak üzere dokuz yaşından on iki yaşına kadar şakirdan alınacak ve malumat-ı cüz'iyesi olanların sinni ziyade olsa da bil-imtihan sınıf-ı saniye dahil olabilecektir.

Yedinci Madde
Mekteb-i mezkûre alınan şakirdan üç kısma münkasimdir dahili nısf dahili harici dahilinün ücreti kırk beş lira-i Osmaniden ibaret olup ekl ve şurb ve libas ve ta'miri ve tathiri ve masarif-i saireyi şamil olduğu gibi tamam tahsil dahi resm ve musiki ve jimnastik amelleri olup lazım gelen kitab ve kalem ve kağıd ve levazım-ı saire ve icab eden mualacatı dahi verilecektir.

Nısf dahilinin tamam ücreti yirmi beş lira-i Osmani olup dahili şakirdan gibi kaffe-i masarifat-ı vakıaları tesviye olunacak fakat ahşam taamı ve beytutet mektebde etmeyecektir.

Harici senevi altı lira-i Osmani verecek ve resm ve hatt-ı Osmani ve jimnastik derslerinden başka kaffe-i derslerden istifade edecek ve istedikleri ve ruhsat verildikleri halde yüz elli kuruş zammiyle mezkûr derslerde dahi bulunacaktır mebaliğ-i mezkûre-i muhtelife hiç bir vechile ziyade ve noksan olmıyarak mektebin
Usulü