248

( Ta‘lîmât-ı Muhtelife )

Mekteb hesâbı i‘tibâriyle her üç ay zarfında gelen şâkird dâhil olduğu
ayın on beşinden sonra geldikde ol aya mahsûb ücretin tamâmı îfâya mecbûr
olup ancak dîğer ayın on beşine mahsûb virilecekdir.
Bir şâkird mektebi irâdesiyle terk eyledikde familyası tarafından haber virilmedikçe
müddet-i güzeşte ücretini îfâya mecbûrdur.
Nısf-ı dâhilî ve hâricî şâkirdân hastalık özründen başka sebeble müdîrin
tarafından izinsiz gâib olamayacakdır.
Mekteb tarafından virilen kitâb sâir şâkirdân şehâdetiyle yâ zâyi‘ ve yâ fersûde
edildiği tebeyyün etdikde şâkird kendi akçesiyle tedârik ve yâhud ta‘mîr
edecekdir.
Hafazanâllâhü te‘âlâ şâkirde ârız olan emrâz ve hâlâtı familyasına ihbâr
mektebin vezâifindendir.
Nısf-ı dâhilî ve hâricî şâkirdân familyasına irâe içün sa‘y ve hareket-i
yevmiyesini hâvî mütâla‘ahâne hocasının tasdîki üzere bir defter tutabilür.
Şâkirdânın üzerinde ziyâde akçe ve zî-kıymet eşyâ bulunmayacakdır.

Mülâkât ve mükâleme odası şâkirdânın evliyâ ve akrabâsına teneffüs vaktinden başka
zamân açık değildir.
Hâricden kimse şâkird ile mülâkât edemeyecek ve hem familya ve hem direktörün
izni olmadıkça kimse taşra çıkarmayacakdır.
Mukarrer olan hurûc-ı beyt sahîh der-dest olarak cum‘a irtesi akşamından
pazar akşamına kadar olup hastalıkdan ve hâric-i âdeden başka sebeble
hurûca ruhsat yokdur.
Esnâ-yı ta‘tîlde sâ‘at alâfranga dokuzdan on bire kadar isteyen şâkirdâna meccânen
ders virilecekdir.

‘Umûm