25

Ve meclis a‘zâsından bir a‘zânın celîle şifâhen dahi ta‘lîm ve tefhîmi husûsuna ve iktizâ eder ise vülât ve mutasarrıfîn ve kâ’im-makâmlar ve müdîrler bizzât çıkub zîr-i idârelerinde olan mahalleri dolaşmağa himmet ve askere dahi suver-i münâsibe ve mümkine ile icrâ-yı tahkîkâtdan hâlî olmayarak tamâmî-i icrâsına dikkat ve nezâret eylemekliğe hâssa me’mûr ve mes’ûldurlar.

On birinci bend: Her karye ve mahallenin bir sene vėrgüsü kâmilen te’diye olunarak arkası alındıkda ol karye ve mahallenin muhtârları mukaddemâ ceste ceste götürüb teslîm etdikleri akçeler içün almış oldukları makbûz senedlerini kazâ meclisine götürerek hisâblarını rü’yetle cümlesini şâmil bir edâ senedi alarak makbûz senedlerini kazâ meclisine teslîm edeceklerdir. Ve bu edâ senedinin bâlâsına sancak ve kazâ ve karyenin ismi tahrîr ve vėrgünün mikdârı dahi terkîm olundukdan sonra altına bâlâda muharrer karye yâhud mahallenin falan sene içün mu‘ayyen olan şu kadar guruş vėrgüsü kâmilen teslîm-i sandık olunmuş olduğunu mübeyyin işbu edâ senedi virildi ‘ibâresi yazılarak a‘zâ-yı meclis ve sandık emîni tarafından temhîr olunacakdır. Ve muhâsebe içün gelen işbu muhtârlar tûl-i müddet tevkîf olunmayub serî‘an işleri görülerek i‘âde kılınacakdır.

On ikinci bend: Re’s-i eyâlet olan kazânın mahallât ve kurâsı tarafından yapılacak defterler meclis-i kebîre ve re’s-i livâ olan kazânın mahallât ve kurâsı tarafından yapılacak defterler livâ meclisine götürülüb bâlâda bast ve beyân olunan tedkîkât ve ‘ameliyât ol meclislerde icrâ olunacakdır.

Fî 15 Receb sene 1277

nî
4