252

Mektebe gelemeyecek olurlar ise Dersaadet'de doğrudan doğruya ve vilayetlerce hükümet vasıtasıyla keyfiyet Maârif Nezâret-i Celîlesine bildirilecektir.

Yirmi dördüncü madde: Mekâtib-i Rüşdiye memur ve hademesi şâkirdânın gerek duhûllerinde ve gerek hurûclarında zâtları içün hiç bir şey taleb ve kabul edemeyeceklerdir.

Yirmi beşinci madde: Bilcümle Mekâtib-i Rüşdiye muallim ve memurları kat'â umûr-ı mülkiye ile meşgul olmayacaklardır.

Yirmi altıncı madde: Bilcümle Mekâtib-i Rüşdiye muallimleri mektebleriçün iktizâ eden şeyleri Dersaadet'de doğrudan doğruya ve eyaletlerde ise hükûmât-ı mahalliye vasıtasıyla Maârif Nezâret-i Celîlesinden taleb ve istid'â edeceklerdir.

( Şâkirdânın Vezâifi )

Yirmi yedinci madde: Mekâtib-i Rüşdiye şâkirdânı isimleri deftere kayd olunduğu günden itibâren işbu nizâmnâmeye tâbi olacaklardır.

Yirmi sekizinci madde: Şâkirdân gerek derûn-ı mektebde ve gerek hâricde birbiriyle hüsn-i imtizâc edip yekdiğeri hakkında mugâyir-i usûl ve âdâb hareketden içtinâb edeceklerdir.

Yirmi dokuzuncu madde: Umûmen şâkirdân mektebde müsâvât üzere olup derece-i isti'dâd ve hüsn-i hareketlerine nazaran yekdiğerinden temeyyüz edeceklerdir.

Otuzuncu madde: Şâkirdân eyyâm-ı tatilden başka her gün mektebe devâm ile âtîde gösterilen evkatda hâzır bulunacaklardır.

Otuz birinci madde: Mekâtib-i Rüşdiye umûmen yaz günleri sabahleyin saat iki buçukda küşâd olunup üçde derse bed' olunacak ve dokuzda salıverilecek ve kış günleri üç buçukda küşâd olunup dörtde derslere bed' olunacak ve onda izin verilecek ve mektebin küşâdından derslere başlanıncaya kadar arada olan yarım saat müddetde şâkirdân derslerini müzâkere ile meşgul olacaklardır.

Otuz ikinci madde: Muallim efendiler dershânelerine duhûllerinde şâkirdân kıyâm edip muntazır-ı selâm olacaklardır.

Otuz