287

Oturmak veyahud fena söz ile sögmek memnû'iyet-i kaviye ile memnû' olduğundan buna mücaseret eden me'murlar mes'ul tutulur ve icabına göre te'dib olunur.

Yirmi Sekizinci Madde
San'at işleyen çocuklar mevsim-i sayfda sa'at on buçukda ve mevsim-i şitada on birde ve on bir buçukda çan çalınmasiyle ta'til edilerek eyyam ve hava müsâid ise akşam ta'amından ve akşam yoklamasından sonra çavuşlara ve nöbetci zabtiyelerinden birine refîkan teneffüs içün münasib mahallere çıkarılub gezdirilür ve her halde ser-puş ve iş elbisesiyle şâkirdânın zokağa çıkması yasak olduğundan fes ve setri ve potur veyâ pantolonları giydirilür ve cum'a geceleri İslâmdan ve pazar geceleri Hristiyandan akrabası ma'lûm olanlar istedikleri halde bir gece içün akrabası yanına salıverilür.

Yirmi Dokuzuncu Madde
Yaz ve kış geceleri çocukların yatmasıçün bir vakit mu'ayyen tahsîs olunarak o sa'atde cümlesi yatmaya mecbûr olduğundan ve her koğuşun nöbetcileri kimler ise akşam nöbetine ta'yîn kılınacağından nöbetci şâkirdân sabaha kadar münâvebe ile gezüb dolaşur.

Otuzuncu Madde
Islahhâne şâkirdânı haftada bir def'a hammâma gönderilüb tathîr etdirilmek ve dâhili ve hârici elbiselerinde hiç bir gûne yırtık ve leke olunmamak ve üzerlerinde kat'â kehle bulunmamak pek gözetilecek şey olduğundan bunlara islahhâne me'murlarının umûmu tarafından dâ'imâ dikkat vâcibe-i zimmetdir.

Otuz Birinci Madde
Zâbıta müdîri veyâ kâtibi her gün koğuşları dolaşub tahârete münâfi bir şey var ise temizletmek ve soba ve mangal ve desti ve bardak ve süpürge ve hasır gibi şeylere bakmak ve çocukların harekât ve mu'âmelâtında noksan şeyler var ise düzeltmek ve sabah ve akşam yemek vakt taksîminde hâzır bulunmak lâzım olduğundan bu hizmetler dahi bilâ-kusûr îfâ olunacak ve şâkirdânın her birine aralıkda tenbîh ve ihtârı lâzım gelen işler olunca çavuşları veyâ vekilleri çağrılub tenbîh edilecektir ve şurası dahi bilinmelidir ki islahhânede bulunan şâkirdân nöbetle koğuşları süpürmek