333

( Yedinci Fasıl )
( İşbu nizamnameden evvel istihsal kılınmış olan )
( İmtiyazâta dâirdir )

Yetmiş dördüncü madde: İşbu nizamnameden evvel imtiyaz ile ihale olunmuş olan maadinlerin mütaahhid ve mültezimleri istedikleri ve işbu nizamnamede münderic şerâiti ifaya mütaahhid oldukları halde yeni nizama tatbikan kendilerine maadinlerinin imtiyazı verilir ve nizamname-i cedide tebaiyet etmek istemedikleri veyahut şerâit-i lazımesini temin edemedikleri surette ol maden yedlerinde bulunan ferman-ı âli hükmünce hitam-ı müddet-i imtiyaziyelerine kadar uhdelerinde ibka kılınır.

( Bâb-ı Sâlis )
( Maadin-i sathiyeye dâirdir )

Yetmiş beşinci madde: Maadin-i sathiyeye ıtlak olunan maddeleri ashab-ı arazinin bila-müddet işletmeye hak ve salahiyetleri olup fakat bunun içün ferman-ı âli istihsaline mecbur olacaklardır.

Yetmiş altıncı madde: Arazi sahibleri bu kabilden olan maadinleri işletmedikleri veya bir müddet işletip de tatil eyledikleri halde madenin bulunduğu arazi içün kıymetin iki misliyle ve üzerinde ebniye ve müteferriatı var ise anlara dahi kâimen kıymet-i hakikiyesiyle bedel takdir olunarak zuhur eden talibine madeni işletmek üzere tefviz olunacak ve bedel-i mezkûr arazi mutasarrıfına raci olacaktır.

Yetmiş yedinci madde: Maadin-i sathiyeye i'mal olunan arazi her halde kanunen arazi-i miriye hükmüne tabi olup yalnız maden işleyen mahallerden ve bilhassa maden içün istimal olunan araziden maden işlediği müddetçe maden hasılatından alınacak resm-i nisbiden başka bedel-i öşür alınmayacaktır.

Yetmiş sekizinci madde: Maadin-i sathiyeye işletmek içün ruhsat istidâ-nâmesi müsted'înin ism ve şöhret ve san'at ve mahall-i ikâmetini ve madenin