337

Üzerine hıfz-ı sıhhat-i umûmiye içün ma‘âdin meclisi tarafından tensîb ve teklîf olunan şerâiti icrâ etmeğe mültezimler mecbûrdur.

Doksan Altıncı Mâdde
Mevâdd-ı sâbıkada beyân olunan şerâite münâfi hâl ve hareket vukû‘bulur ise fabrika ve yâhud kalhâne sâhibinden beş yüzlük altunundan yirmi altuna kadar cezâ-yı nakdî ahz olunacak ve tekerrürü takdîrinde ma‘den meclisinin o kalhâne ve yâ fabrikayı muvakkaten ta‘tîl eylemek ve üçüncüsünde ruhsatı fesh eylemek salâhiyeti olacakdır.

Doksan Yedinci Mâdde
Kalhâne ve yâ fabrika inşâsıçün ruhsat alanlar fermân-ı ‘âlînin teslîm olundığı târîhden i‘tibâren bir sene zarfında yine kalhâne ve yâ fabrikayı inşâ etmeğe başlar ve yâhud ma‘den meclisinden ta‘yîn olunacak müddetde inşâ etdikden sonra iki sene müddet işletmeyerek ta‘tîl eyler ise bir müddet-i münâsibe dahâ ta‘yîniyle kendisine tenbîh olunub ol müddet zarfında yine inşâ olunmadığı takdîrde fermân kaydı terkîn olunacakdır.

Doksan Sekizinci Mâdde
Fermân-ı ‘âlînin feshi ve yâhud sâhibi tarafından rızâ-yı terki takdîrinde keyfiyet i‘lân olunacakdır.

Fî 2 Şa‘bân sene 1285

43