361

Telgraf hasılatına kayd iderek keyfiyeti telgraf idaresi canibine beyan ve iş'ar eyleyecekdir

( On İkinci Fasıl )

( Telgrafhanelerde isal-i mekatib hizmetinde müstahdem hademenin vazife )
( Memuriyetlerine dairdir )

Yetmiş Altıncı Madde: Her bir telgrafhaneye musıl-ı muharrerat namıyla tayin olunan hademenin vazife-i hizmeti tahrirat-ı varide-i telgrafiyenin mübeyyaz bir suretini derhal ahz idüp bila-tevakkuf derun-ı memleketde sahibini bi't-teftiş kendisini bulur ise kendisine bulamadığı suretde malum olan şeriki veyahud ademine bi'l-irae ol emirde makbuz senedini imza veyahud temhir etdirerek ba'de teslim eyleyecek ve bu senedi hiç bir mahalde aram ve tevakkuf etmeksizin doğruca telgrafhaneye getürüp memurine ita eyleyecekdir.

Yetmiş Yedinci Madde: Bir musıl-ı muharrerat sahibine teslim olunmak üzere kendisine ita olunan tahrirat-ı telgrafiyenin sahibini gereği gibi teftiş ve taharri eyledikden sonra ol adam bir mahalle gitmiş veyahud vefat etmiş ise derhal telgrafhaneye gelip memurine beyan eyleyecekdir.

Yetmiş Sekizinci Madde: Telgrafhanelere bir saatden ziyade bu'diyeti olan yerlere mektup sahibini bulmak içün musıl-ı muharreratın bi't-tab' kayık ücreti ve bargir ücreti misillü masarifi vuku bulacağından masarif-i mezbure dahi mektup sahibi tarafından kendisine ita kılınacakdır.

Yetmiş Dokuzuncu Madde: Bend-i sabıkda beyan olunduğu vechle telgrafhaneye bir saatden karib mahallere musıl-ı muharreratın getürüp teslim eylemiş olduğu telgraf mektubu içün zarfının üzerinde yazıldığı üzere hiç bir akçe talebine hak ve salahiyeti olmadığından şayet hilafına hareket ile para istediği ve aldığı ve işidildiği veyahud hamil olduğu mektubu vakit ve zamanıyla sahibine götürmeyip gecikdirdiği tahkik olunduğu halde hizmetden çıkarılacakdır.

( Hatime )

İşbu nizamnamede muharrer mevad ve tenbihatın haricinde olarak taşralarda bir şey
46
ni