364

Olacak ve tahrîrât-ı telgrafiyenin tarifelerini tanzim ve mukavele tahtında bulunan devletlerin tarifelerini hesab edecek ve maiyyetinde bir memur bulunacaktır.

( Muhâsebât-ı Türkiye Kalemi )

İşbu kalemin bir baş muhasebe memuru olup teâtî olunacak muhâberât-ı Türkiyenin muhasebesine ve ne kadar tahrîrât gelip ne kadar gitmiş ve ne kadar ücret alınmış olduğunun beher ay başında bir kıta defterinin tahrîrine ve Mâliye Nezâret-i Celîlesine takdim olunacak hesâbât defterinin tanzîmine memur olacak ve maiyyetinde üç memur olup ikisi defâtir-i mezkûrenin tahrîri ve birisi mukâbele maiyyet memuriyetinde olacaktır.

( Muhâsebât-ı Ecnebiye Kalemi )

İşbu kalemin bir baş muhasebe memuru olup Dersaadet ve Beyoğlu merkezlerinden teâtî olunan muhâberât-ı ecnebiyenin muhasebesine ve ne kadar tahrîrât gelip ne kadar gitmiş ve ne mikdar ücret alınmış olduğunun beher ay başında bir kıta defterinin tanzîmine ve hududlardan gelen veyahud Akdeniz adalarına imrâr olunan tahrîrât için tanzim olunan defteri mukâbele ve tetkik ve ba'dehu Avrupa hissesini tefrik etmeye memur olacak ve maiyyetinde iki memur bulunacaktır.

( Muharrerât-ı Türkiye Tahsîlât Kalemi )

İşbu kalemin bir baş memuru olup telgrafhaneye i'tâ olunan muharrerâtın ücretlerini ba'de'l-hesâb kabz edip hâsılât-ı vâkıasının beher gün bir jurnalini tanzim ederek ne kadar akçe alınmış ise beher gün telgrafhane veznesine teslim edecektir ve maiyyetinde bir memur bulunacaktır.

( Eşyâ-yı Telgrafiye Kalemi )

İşbu kalemin bir baş memuru olup telgraf idaresine gelip mağazasına konulmuş olan kâffe-i edevât ve eşyâ-yı telgrafiyenin bir kıta defterini tanzim edip ve bunlardan gerek merkezlere ve gerek hutût-ı telgrafiye inşâsına sarf olunmak üzere mağazadan çıkarılan eşyanın nevi ve cins ve mikdârını ve sarf olunan mahallini mübeyyin başkaca defterini tahrîr edecek ve telgraf makinecilerinin işlerine nezâret eyleyecek ve her ay başında mikdâr-ı eşya mevcud olup ne kadar sarf olunduğunu idareye bildirecek ve bu eşyanın mağazada bulunduğu müddetçe