367

Ve postaların vaz‘-ı usûlü ve altıncısı tel ve makinelere dâhilen ve hâricen ârız
olacak karışıklığın ta‘mîr ve ıslâhı ve yedincisi telgrafça mevcûd olan
edevâtın ve âlâtın hüsn-i isti‘mâli ve sekizincisi berrî ve bahrî hutût-ı telgrâfiyenin
usûl-i vaz‘ ve inşâsı ve dokuzuncusu umûmen fünûn-ı telgrâfiye ve elektrikiyenin
başlıcalarının icrâ-yı âtî maddelerinden ibâret olacaktır. Ameliyât dersleri dahi
Salı ve Pencşenbe günleri vakt-i zuhurdan bed’ ile iki sâ‘at mümted olarak
îsâl-i muharrerât fenniyle idâre-i telgrâfiyenin tafsîlâtı ta‘lîminden ibâret
olacaktır. Beher hafta Cum‘a ertesi ile Salı günleri kezâlik vakt-i zuhurdan
bed’ ile iki sâ‘at usûl-i idâre-i telgrâfiye ile umûr-ı hesâbiye dersleri ta‘lîm
olunup bunlar dahi evvelen idârenin umûmen usûl-i hesâbâtı ve sâniyen idârenin
nizâmât-ı mevcûde ve âtiyesinin ta‘lîmi ve sâlisen defâtir ve kuyûd-ı lâzımenin ve sâir evrâk-ı
hesâbiyenin sûret-i tanzîmesi ve râbi‘an hutût-ı telgrâfiyenin jurnalleri
ve beherine kaç guruş fiyât alınmak lâzım geleceği maddelerinden ibâret olacaktır.

Fî 19 Cemâziye’l-âhır sene 1277