386

Kusûru sahibine red olunmak üzere mahfazası memûrîn-i mûmâileyhimâ tarafından temhîr olunarak sandıkda emâneten hıfz olunacakdır.

Dokuzuncu Madde — Müzâyedeye memûr olanlar ve emniyet sandığı hey’et-i idâresinde bulunanlar müzâyedeye pey sürüb mal almayacaklardır. Hilâfında hareket edenler mes’ûl olacakları gibi müzâyedeye fesâd karışdıranlar dahi cezâ kânûnnâmesinin emniyeti sû’-i isti’mâl eyleyenler hakkında olan faslı ahkâmına tevfîkan te’dîb olunacaklardır.

Onuncu Madde — Emniyet sandığının bil-müzâyede satacağı rehinler içün de’âvî nezâret-i behiyyesi tarafından memûr-ı mahsûs bulunması vesîlesiyle masârif-i mu’tâdeden mâ’adâ tahsîliye ve nâm-ı âharla hîç bir resm alınmayacakdır.

Fî 12 Zi’l-ka’de sene 1286

Memleket