402

On sekizinci madde: Ruhsat tezkeresi zâyi‘ olduğu takdirce sâhibi
Lonca odasına mürâcaatla oradan ba-mazbata Ticâret Nezâretine beyân olunub
ol şahsın tezkeresini zâyi‘ eylediği ve müddet-i bâkiyesi tasrîh olunarak
bir kıt‘a tezkere i‘tâ olunacak ve bunun içün yalnız on guruş harc
alınacakdır.

On dokuzuncu madde: Ruhsatiye tezkeresi şahsa âid olub her vakit
sarrâfın nezdinde bulunarak me’mûrîn tarafından istenildiği vakit ibrâz olunmak
lâzım gelir.

Yirminci madde: Dîger bir şahsın ruhsat tezkeresiyle köşe sarrâflığı iden
olur ise kendüsünden altı yüz guruş cezây-ı nakdî alınır.

Yirmi birinci madde: Köşe sarrâfları kesik ve eksik meskûkât alub
veremeyeceklerdir. Alub veren olur ise her kaç guruş almış veyâ vermiş
ise beş katı kendüsünden cezây-ı nakdî alınır. Fakat Mâliye Hazîne-i Celîlesi
tarafından verilecek ta‘lîmât-ı mahsûsa mûcibince mübâyaacılık idebileceklerdir.

Yirmi ikinci madde: Köşe sarrâfları kalp akçe alub verdikleri takdîrde
haklarında Cezâ Kânûnnâmesinin ahkâmı icrâ olunacakdır ve kendülerine
kalp akçe getiren olur ise ol akçeyi zabt ve keyfiyeti derhâl zâbıta
me’mûrîne ihbâr ile getiren âdemi zabtiyeye vermekde müsâraat edeceklerdir.

Yirmi üçüncü madde: Bâlâda beyân olunan cezây-ı nakdîlerden başka olarak
esnâfca mugâyir-i usûl ve nizâm hareket ve kusûr idenlerin dükkânları kapadılmak
ve yüz guruşa kadar cezây-ı nakdî alınmak husûslarına Lonca Odasında
karâr verilebilüb fakat bunun icrâsı içün Ticâret Nezâreti tarafından
tasdîk olunması lâzımdır.

Yirmi dördüncü madde: Cezây-ı nakdîlerden hâsıl olacak mebâliğ Hazîne-i
Celîleye âid olacağından bunun umûm ticâret hâsılâtına ilâvesiyle mikdârı
defter-i muvâzenede başkaca gösterilecekdir.

Yirmi beşinci madde: Köşe sarrâfları dükkân odasında sarrâflık umûrunda
istihdâm eyledikleri âdemlerin cezây-ı nakdîyi mûcib olan ef‘âl
ve harekâtından mes’ûl tutulacaklardır.

Yirmi