422

ol şahsa gidip def-i iştibah içün eşyasını taharri edeceğini mülayimane suretle beyan eder de şahs-ı merkum tarafından muhalefet gösterilür ise ol halde el-tikîn bulunan zabıta memuruna müracaat kılınacak ve anın marifetiyle icab-ı nizam icra olunacaktır

Beşinci Madde
Madde-i sabıka hükmünce bi’t-taharri tutulacak kaçak mektup ve saire o mahalde el-dibûk posta memuruna teslim olunup iki kat ücret alınacak ve bu ücretin nısfı kaçakçı tutanlara verilecektir Memalik-i Şahane’nin bir cihetinden diğer cihetine hilaf-ı nizam gidecek mekatibe kaçak nazarıyla bakılıp iki kat ücret alınacak ise de bu muamele yalnız posta merkezi bulunan mahallerden gelen veyahut bu makule mahallere giden mekatib hakkında icra olunacaktır ve bundan başka usulü vechile posta idaresine ücreti verilmiş yani evvela üzerine icab eden pullar yapıştırılmış ve saniyen mektubu gönderen posta merkezi mührü basılmış ve salisen Postahane-i Amire’nin her dürlü mesuliyetten kurtulduğunu müşir gayr-i mesul ibaresi yazılmış olan mektupların ahad-ı nas tarafından nakl ve imrarına hiç bir vechile mamanat olunmayacaktır

Altıncı Madde
Taharri olunacak eşya şayan-ı itimad haber üzerine zabıta marifetiyle aranılmak lazım gelip yoksa herkesin eşyası rast gelen yerde taharri olunarak halkı iz’ac etmek asla caiz olmayacak ve iz’ac eden olur ise mesul tutulacaktır

Yedinci Madde
Mektup nakli ticaretini itiyad ile postanın inhisar usulüne sekte verir harekette bulunanlardan tutulan mekatib ve evrakın iki kat posta ücreti ahz olunduktan başka bir Osmanlı lirasından beş Osmanlı lirasına kadar ceza-yı nakdi dahi alınacaktır

( İkinci Fasıl )
( Bilumum Mektuplara Dairdir )

Sekizinci Madde
Postalara irsal olunan mektuplar iki kısım olup bir kısmına adi ve diğer kısmına taahhütlü mektup ıtlak olunur Taahhütlü mektuplar içün mürselün ileyhten vusul ilmühaberi istihsaliyle mürsele irâeye postahane mecbur ve müteahhid olup mekatib-i adi için değildir

Dokuzuncu