Büyük Dil Modeli Tarafından Üretilen Metin
437
( Pamuk ziraatinin tervîc ve teksîri hakkında erzân buyurulup mukaddimece )
( Beyannâme-i mahsûsa ile neşr ve i'lân olunan )
( Müsâadât-ı seniye fıkratıdır )
Evvelâ tapu nizâmnâmesinde beyân olunduğu üzere boz ve kıraç yerleri yeniden
açıp tarla yapacak olanlara ol yerler meccânen tefvîz ve müceddeden sened i'tâ olunarak
yalnız üç guruş kâğıd-bahâ alınması ve işbu açtıkları arâzi mahsûlünden
bir sene ve taşlık ise iki sene öşür alınmaması mukarrer olduğu halde yeniden
böyle boz ve kıraç mahalleri açıp da pamuk zirâat edenler olur ise beş sene
öşür ve bil-bedel öşürden mu'âf tutulacak ve bu müddet mu'âfiyet târîh-i i'lândan
i'tibâren on sene olacakdır.
Sâniyen işbu on sene müddet zarfında pamuk gümrüğü ta'rifeleri tebdîl ve tağyîr
olunmayıp ne kadar a'lâ nev'inden olur ise olsun her dürlü pamuğun gümrüğü
bir siyakda ahz olunacakdır.
Sâlisen yetiştirilecek pamuğun kolaylıkla iskelelere nakli için pamuk zirâat
olunan kazâların yolları bozuk ise mukaddimece tesviye-i turuk hakkında tanzîm
olunan nizâm hükmünce ta'mîr ve tesviye etdirilecekdir ve ahâli tarafından felâhate
ve pamuk tohumunun tefrîk ve tathîrine mahsûs Avrupa'dan ba'zı edevât
ve makineler getirilmesi murâd olunduğu sûretde bunlardan gümrük alınmayacağı
mislillü masârifi taraf-ı devlet-i 'aliyeden i'tâ olunmak üzere nümûne olarak
münâsib mikdâr edevât ve makineler ile Amerika ve sâir mahall-i münâsibeden en a'lâ
ve müntehab pamuk tohumları celb ve tedârik olunarak ahâliye tecrübe ve isti'mâl
etdirilecek ve suhûletle pamuk zirâat olunmasının ve çok yetiştirilmesinin
usûlüne dâir ta'rîfnâmeler ve risâleler tanzîm etdirilerek pamuk ekilen memleketlere
irsâl kılınacakdır.
Râbi'an pamuk hâsıl olan semtlerin şehir ve kasabalarında her sene bir sergi küşâd
olunarak etrafında yetiştirilmiş olan pamukların nümûneleri oraya götürülüp
en a'lâ nev'inden pamuk husûle getirenler hakkında ba'zı suver-i taltîfiye ile
mükâfât olunacakdır.
Hâmisen işbu pamuk zirâatinin ilerlemesi için bundan böyle daha her dürlü
tashîlât-ı mümkine icrâsına sarf-ı mesâ'î kılınacakdır.
Fî 26 Receb sene 1278
( Pamuk ziraatinin tervîc ve teksîri hakkında erzân buyurulup mukaddimece )
( Beyannâme-i mahsûsa ile neşr ve i'lân olunan )
( Müsâadât-ı seniye fıkratıdır )
Evvelâ tapu nizâmnâmesinde beyân olunduğu üzere boz ve kıraç yerleri yeniden
açıp tarla yapacak olanlara ol yerler meccânen tefvîz ve müceddeden sened i'tâ olunarak
yalnız üç guruş kâğıd-bahâ alınması ve işbu açtıkları arâzi mahsûlünden
bir sene ve taşlık ise iki sene öşür alınmaması mukarrer olduğu halde yeniden
böyle boz ve kıraç mahalleri açıp da pamuk zirâat edenler olur ise beş sene
öşür ve bil-bedel öşürden mu'âf tutulacak ve bu müddet mu'âfiyet târîh-i i'lândan
i'tibâren on sene olacakdır.
Sâniyen işbu on sene müddet zarfında pamuk gümrüğü ta'rifeleri tebdîl ve tağyîr
olunmayıp ne kadar a'lâ nev'inden olur ise olsun her dürlü pamuğun gümrüğü
bir siyakda ahz olunacakdır.
Sâlisen yetiştirilecek pamuğun kolaylıkla iskelelere nakli için pamuk zirâat
olunan kazâların yolları bozuk ise mukaddimece tesviye-i turuk hakkında tanzîm
olunan nizâm hükmünce ta'mîr ve tesviye etdirilecekdir ve ahâli tarafından felâhate
ve pamuk tohumunun tefrîk ve tathîrine mahsûs Avrupa'dan ba'zı edevât
ve makineler getirilmesi murâd olunduğu sûretde bunlardan gümrük alınmayacağı
mislillü masârifi taraf-ı devlet-i 'aliyeden i'tâ olunmak üzere nümûne olarak
münâsib mikdâr edevât ve makineler ile Amerika ve sâir mahall-i münâsibeden en a'lâ
ve müntehab pamuk tohumları celb ve tedârik olunarak ahâliye tecrübe ve isti'mâl
etdirilecek ve suhûletle pamuk zirâat olunmasının ve çok yetiştirilmesinin
usûlüne dâir ta'rîfnâmeler ve risâleler tanzîm etdirilerek pamuk ekilen memleketlere
irsâl kılınacakdır.
Râbi'an pamuk hâsıl olan semtlerin şehir ve kasabalarında her sene bir sergi küşâd
olunarak etrafında yetiştirilmiş olan pamukların nümûneleri oraya götürülüp
en a'lâ nev'inden pamuk husûle getirenler hakkında ba'zı suver-i taltîfiye ile
mükâfât olunacakdır.
Hâmisen işbu pamuk zirâatinin ilerlemesi için bundan böyle daha her dürlü
tashîlât-ı mümkine icrâsına sarf-ı mesâ'î kılınacakdır.
Fî 26 Receb sene 1278