466

On sekizinci bend Kâtib mûmâileyh meclisçe olacak müzâkerâta dâhil olamayacaktır veyâ a'zâlar tarafından veyâhud reîs-i meclis bulunan zâtdan haber gönderilmedikçe meclise giremeyecektir.

On dokuzuncu bend Kâtib mûmâileyh vâki' olan husûsâtı meclise arz ve takrîr edecektir.

Yirminci bend Kâtib mûmâileyh kalemce husûsâtın idâre ve nezâretine ve defterlerin hüsn-i intizâm ve tertîbâtına me'mûr olarak bi'l-cümle senedât ve i'lânât ve ihbârâtı kaleme alacak ve vergiler hakkında yapılan senedleri deftere kayd edecek ve reîs bulunan zâtın ve meclisin akd edecekleri senedleri birlikte imzâ eyleyecektir.

Yirmi birinci bend Kâtib mûmâileyh meclise mahsûs olan kalemin reîsi olacaktır.

Yirmi ikinci bend Kâtib mûmâileyh münâza'un-fîh olan husûsâtın tesviyesine ve meclisin kıymetçileriyle ile olacak muhâberâtına me'mûr olarak meclisde münâza'un-fîh olan mâddeler hakkında vekâlet edecektir.

( Sandık emîni beyânındadır )

Yirmi üçüncü bend Meclis a'zâsı içlerinden birini sandık emîni intihâb ve ta'yîn edecek ve bu dahi müddet-i gayr-i mahdûde ile ve meccânen hizmet edecektir.

Yirmi dördüncü bend Mûmâileyh sandık emîni kendisine teslîm olunan akçeden mes'ûl ve meclisin hâricinden olarak bir nefer sandık vekîli ve bir nefer kâtib ve çend nefer tahsîldâr ta'yîn etmeğe ve bunların ma'âşlarını virmeğe ve dil-hâhı vechile bunları hizmetlerinden tard edib yerlerine sâirlerini ta'yîn eylemeğe salâhiyeti olacaktır.

Yirmi beşinci bend Mûmâileyh sandık emîni makbûz olan kâffe-i mebâliğ ile yâ ihmâl ve müsâmaha veyâhud müsâ'adesiyle verdiği ilmühaber ve makbûz senedâtı mûcibince tahsîl edemediği mebâliğe zâmin ve müte'ahhid olacaktır.

Yirmi altıncı bend Verginin mikdârı ta'yîn ve tahsîs olunarak senedleri...
(imzâ olunub)