468

Zuhur edecek sehv ve hatadan dolayı mes'ul ve zamin olacaklardır.

Otuz beşinci bend: Muma-ileyhim ebniyeye dair lazım gelen müdir ve mu'temed ve icab eden sair bilcümle ameleleri kendileri intihab edeceklerdir. Anların cümlesine kefil ve zamin olacakları misillü alacakları levazımat ve eşya-yı mütenevvi'a bahasından dolayı dahi mes'ul olacaklardır.

Otuz altıncı bend: Muma-ileyhim hariçten her kimi ızrar ederler ise anı kendileri tazmine müte'ahhid olacaklardır.

Otuz yedinci bend: Meclis-i mezkûrun dairesi dahilinde inşasına karar verdiği bir ebniye münakasa tarikiyle hariçten bir mimarın uhdesine tefviz olunduğu vakit meclis-i mezkûrun mühendis ve mimarı ol ebniyenin mukavele ve konturatosuna temamen muvafık olarak inşasına nezaret edecektir. Ve mukavele ve konturatoya mugayir bir hareket zuhur eder ise nezarette dikkatsizliklerinden dolayı yine zikrolunan mimar ve mühendis dahi ebniyenin inşasını deruhde eden kalfa gibi mes'ul olacaktır.

Otuz sekizinci bend: Muma-ileyhime vaki olacak teslimat meclisin emri mucibince yedlerinden bir kıt'a ilmühaber ahzıyla sandık emini marifetiyle ifa kılınacaktır.

Otuz dokuzuncu bend: Muma-ileyhim muhasebelerini meclise arz edeceklerinden el-cüz'i bir şey için vaki olan masraflarının birini göstermeye mecbur olacaklardır.

Kırkıncı bend: Muma-ileyhim her bir vakitlerini meclis-i beledi umuruna sarf etmeğe mecbur olduklarından meclis-i mezkûrun resmen ruhsatı olmadıkça hariçten hiç bir ferdin işinde bulunamayacaklardır.

(Meclislerin in'ikadı beyanındadır)

Kırk birinci bend: Meclis için tahsis kılınacak hane meclis tarafından tedarik ve isticar olunarak akd-i cem'iyyete mübaşeret kılınacaktır.

Kırk ikinci bend: Meclis-i mezbur la-akal haftada iki def'a akd olunacak...

*(Ve yevminden)*