471

Nezhet ve emniyet-i belediye içün münasib görülen sair teklifatı dahi eda
edeceklerdir.

Elli beşinci bend: İradlı olan emlakden alınacak ve irad hasıl olmayan arsa
içün asla tarh-ı vergi olunmayacakdır.

Elli altıncı bend: Ancak bundan sonra harik zuhurunda hali kalan arsalar
vuku-i harikden beş sene mürurunda ve’l-haletü hazihi hali bulunan arsalar dahi
işbu nizamname tarihinden itibaren kezalik beş sene mürurunda tahmin olunacak
kıymetleri üzerine yüz kuruşda on para hesabile vergi tahsisine meclisin
salahiyeti olacakdır.

Elli yedinci bend: Emlak vergisi mücerred mutasarrıflarına aid olacak
ve vergiler yalnız üç mahden üç mahe taleb ve tahsil olunacakdır.

Bend-i mahsus: Mesken ittihaz kılınan yani kiraya verilmeyüb içinde sahibi
ikamet eden ve icare-i seneviyesi bin iki yüz kuruşdan aşağı olan hanelerden
resm-i akar alınmayacakdır.

Bend-i mahsus: Her bir hane ve dükkânın vergisi hal-i hazırı nisbetile tahsis
ve istihsal olunacakdır.

Elli sekizinci bend: Her bir millete mahsus olan ibadethane ve hastahane
ve fukarahane misillü hayratın cümlesi vergiden muaf ve müstesna bulunacaklardır.

( Tahrir-i Emlak beyanındadır )

Elli dokuzuncu bend: İşbu tahrir-i emlak maddesi meclis-i belediyenin üss-i
esası hükmünde bulunduğundan müddet-i kalile zarfında tanzim ve tesviyesine ikdam
ve mübaşeret olunacak ve bi’l-cümle hane ve mağaza ve arsaların adedi ve suret-i
inşaiyeleri ve mutasarrıflarının esamisi ve kıymet ve iradlarının mikdarı kayd
ve tahrir kılınacakdır.

( Bazı emlakin mutasarrıflarından iştirasına dair )
( hususatın beyanındadır )

Altmışıncı bend: Nef’ü’l-umum emlak iştirası maddesinin emlak-i mezburenin kıymeti