483

Yüklerin nakli mehmâ emken kalîlü’l-mürûr sokaklardan veyahut gecenin geç vakitlerinde icra olunmalıdır.

Otuz dördüncü bend: Sokak üzerinde baca açmak ve lağım ve su yollarını ve gaz künklerini tamir için sokak ve kaldırım taşlarını yerlerinden çıkarmak isteyen ashab-ı mülk veyahut müstecirîn evvel be-evvel daire-i mühendisî kaleminden ruhsat tahsil edip bozdukları mahalleri heyet-i asliyelerine vaz' edeceklerdir.

Otuz beşinci bend: Hane ve sair ebniyenin su olukları sokağa doğru çıkarılmayarak bundan böyle bu misillü olukların uçları yeryüzüne kadar indirilecektir.

Otuz altıncı bend: Soba boruları duvarlara kavice rabt ve alt taraflarına huni vaz' olunacak ve işbu hunilere dahi ilavesi lazımeden olan dar boruların uçları yeryüzüne kadar gelmelidir.

Otuz yedinci bend: Arzı on zira ve daha aşağı olan sokaklarda tente vaz' olunması memnu olup enli sokaklarda bu babda müsaade olunacak ise de nâsın mürûruna mâni ve gerek atlı ve gerek piyade kazayı mucib olmayacak merkezde ve en aşağı tarafı yeryüzünden hiç değil ise beş zira yüksek olmak ve iki üç ziraı tecavüz etmemek iktiza edecektir.

Otuz sekizinci bend: Hanelerin gerek dahilinde ve gerek haricinde her vakit taharette kusur olunmamalıdır.

Otuz dokuzuncu bend: Yağmur ve çirk-âb sularının icrasıçün hanelerde miktar-ı vâfi boru ve çirk-âb kurnası vaz' olunup mezkûr boruyla lağım var ise doğru lağıma kadar ve aksi takdirinde daire-i mühendislerinin talimatına muvafık olarak ashab-ı mülk taraflarından inşası icab eden çirk-âb kuyularına kadar icra ettirilmesi lazımedendir.

Kırkıncı bend: Bu misillü kuyusu olan ashab-ı mülk taraflarından emniyet ve sıhhat-i umumiye-yi bi'l-vücûh vikaye edecek merkezde mezkûr kuyuların tathir ve tamir ve termiminde kusur olunmayacaktır.

Kırk birinci bend: Lağım ve kuyu ve sair bu misillü yerleri tathir ettirmek isteyenler