529

Ve tahmini mucibince tayin olunacak müddet zarfında fırın döşeme ve kubbesi tamiriçün tatile müsaade olunacakdır.

Altıncı madde: Müstakillen ekmek satmak isteyenler Şehremanetinden ruhsat almak ve ekmekçi dükkânlarına mahsus olan vezaifi icra etmek şartıyla emanetin tayin eyleyeceği mevakide ekmek satabilirler.

Yedinci madde: Ekmekler bir kıyyelik ve yarım kıyyelik ve yüz dirhemlik olarak üç nevi üzerine ve tamü’l-vezn olacakdır.

Sekizinci madde: Her ekmekçi fırını mahallat içinde küfe ile ekmek sattırmağa mecbur olduğu gibi civarında Şehremaneti canibinden tayin olunacak dairesi dahilinde dahi lüzumu mikdar dükkân açıp ekmek satacakdır.

Dokuzuncu madde: Gerek fırınlarda ve gerek ekmekçi dükkânlarında ve küfelerde satılan ekmeğin cinsine göre Şehremanetinden veyahut Komite fırınının tecrübesi üzerine Habbazan Meclisinden verilecek karara tatbikan fiât-ı mukarreresini mübeyyin bir tarife yapıştırılacakdır. Tablakârlarda ve dükkânlarda satılacak ekmeğin kangı fırının malı olduğunu bilmek içün küfe ve dükkânlar üzerine ol fırının mahallini ve numarasını havi levha yapıştırılacağı gibi her fırın içün numara tertibiyle tab’ olunacak ekmeğin üzerine vaz’ ettirilecekdir.

Onuncu madde: Her fırın ekmekçi dükkânında ve tablakârda ve sokak ve mahallatda ekmek satanlarda mevad-ı muzırradan salim ve usul-i cedide üzere mamul bir terazi bulunup nan-ı aziz müşterilerin talebi üzerine bi’l-vezn satılacakdır.

On birinci madde: Her ekmekçi fırını müretteb olan ekmeği külle yevm bilâ-noksan tabh ve ihrac etmeğe mecburdur.

On ikinci madde: Ekmekçi fırını veya dükkânı bir mahalden diğer mahalle nakl edeceği vakit Şehremanetinden ruhsat istihsal edecekdir.

On üçüncü madde: Zahâirin fiât kâimesi Şehremanetinden suret-i mütemadiyede
[ni]