564

Müskirâtdan memuru marifetiyle yüzde yirmi rüsûm-ı müctemia alınacağından müskirât-ı
mezbûre gerek dâhil-i memâlikde sarf olunsun ve gerek hârice nakl ve fürûht
kılınsun resm-i gümrük alınmayacakdır (3)

Diyâr-ı ecnebiyeden Memâlik-i Mahrûse-i Şâhâne’ye gelecek müskirâtın resm-i gümrükü gümrükçüler
tarafından alınmayıp rüsûm-ı müctemia memurları marifetleriyle ber-mûceb-i ta'rife
alınacakdır (4)

Dâire-i Hümâyûn içün i'mâl olunup celb olunan kaliçelerden kadîmi vechle
hîç bir mahalde resm-i gümrük istihsâl olunmayacakdır (5)
Bâlâda muharrer nizâm ve tenbîhât iktizâsınca gümrükler rüsûm-ı îcâbiyesi tahsîl
ve istîfâ olunacakdır ve gümrükçüler tarafından hilâf-ı ahd ve nizâm bir gûne harekete
ibtidâr olunmayıp muâmele-i ticâret bir vechle tas'îbâta düşürülmeyecekdir

Fî 19 Zilhicce sene 1275

(3) Resm-i mîrî nizâmnâmesi hükmünce bu bendin hükmü mensûhdur
(4) Bu bendin dahi hükmü mensûhdur
(5) Bâlâda gösterilen irâde-i seniyye hükm-i celîli üzere bu bendin dahi hükmü
mensûhdur

Dersaâdet