598

Çıkarılabilecek ve eşya-yı mezkûreyi ba‘demâ diyar-ı ecnebiyeye ihracında ber-vech-i muharrer depozito etmiş olduğu sarfiyat-ı dahiliye resm-i gümrüğüyle ihracat resm-i gümrüğü beyninde olan fark her ne ise bi'l-hesab kendisine bilâ-te’hir red edilecektir.

Tacir işbu beyan kılınan şukûk-ı erba‘adan hiç birini ihtiyar etmeyerek bâlâda zikr olunduğu vechle sened i‘tâsıyla malını gümrükten ihrac etmeyi terciḥ ettiği takdirde bu malını altı mâh müddet içinde diyar-ı ecnebiyeye irsal etmeğe ve irsal etmediği surette müddet-i mezkûrenin inkızâsında bi-eyyi hâl şukûk-ı erba‘a-i mezkûreden birisini ihtiyar ile mûcibince icabını icra etmeğe mecbur olacaktır. Ve eğer ki bu kere dahi şukûk-ı merkûmeden hiç birini ihtiyar etmez ise kendisine malını derûn-ı memlekette sarf ve istihlâk etmiş nazarıyla bakılarak yüzde sekiz olan sarfiyat-ı dahiliye resmi bi't-tamam te’diye edeceğinden başka sâlifü'l-beyan senedin i‘tâsı tarihinden işbu te’diyenin tarihi gününe kadar mürûr etmiş olacak müddet için resm-i mezbûrun şehrî yüzde bir güzeştesini dahi edâ ve tesviye etmesi lâzım gelecektir.

Beyan kılındığı vechle sened verecek tacir gümrüğün bildiği ya‘ni gümrüğün i‘tibar eylediği kimse olmaz ise ol halde sened-i mezkûrun icrasını ta‘ahhüd etmek üzere her kangı milletten olur ise olsun gümrüğün kabul edebileceği bir diğer taciri kendisine kefil irâe etmeğe mecbur olacaktır.