605

Dördüncü Bend: Ticaret içün olmayub da tüccardan başka yolcu ve memurîn ve eşhas-ı sairenin istimal-i zatilerine mahsus olan eşyadan ardiye resmi alınmayacaktır.

Beşinci Bend: Gerek bir münazaaya mebni ve gerek başka mahalle gidecek iken sehven huruclarına mebni olsun veyahud başka bir sebeb-i mücbir tahtında bulunsun müddet-i mukarrereden ziyade gümrükde kalan denkler içün iktiza eden ardiye resmi virmekden vapur kumpanyaları muaf olacak ve fakat işbu üç suretden birisine binaen kalan denkler nihayetü’l-emrde başka mahalle gönderilmeyüb de gümrüğün kâin olduğu mahalde sarf ve istihlak içün gümrükden çıkarılacak olur ise ol vakit bunlardan resm-i mezbur tamamen istihsal kılınacaktır.

Altıncı Bend: Usul-i ticarete tevfikan canib-i hükümetden resmen tebliğ olunan sekuestrodan naşi gümrükden vaktle kaldırılamayan denkler ile avaryat kaziyesine mebni müddet-i mukarrereden ziyade kalan denkler içün dahi ardiye resmi taleb olunmayacaktır.

Fi 5 Ramazan sene 1286
Ve fi 26 Teşrin-i Sani sene 1285