627

Mikdarca ve sahibinin ismince tezkeresine adem-i muvafakati (2) veyahud tezkerenin mezkûr yedinci bendde beyan kılınan suretde bir bozukluğu zuhurunda sahibi hakkında zecren dokuzuncu bendde beyan kılınacağı vechle muamele kılınacak ve bu misillü şübheli tezkere sahibi yedinden alınıp yerine başka tezkere ita olunacak ve amma içerüye idhal olunmayıp doğrudan doğruya mahal-i âhara gitmek üzere imrar olunan duhan mademki beşinci bendde tasrih olunduğu vechle içerüye girmeksizin yoluna gideceğinden vardığı mevridinde vech-i meşruh üzere muayene ve vezn edileceğinden bunun esna-yı rahda mükerreren yoklanması iktiza etmeyecekdir ve çünki eda tezkereleri mekşûf olarak ashabı yedlerine ita edileceğinden tütünlerinin başka mahalle naklinden sonra mezkûr tezkereyi yazan yanlış yazmış deyu i'tizara kalkışırlar ise kat'a isga olunmayıp ber-vech-i meşruh icab-ı nizamisi icra edilecektir ve gerçi ashabı tütünlerini henüz başka mahalle nakl etmeksizin fi'l-vaki tezkereye noksan yazılmış olduğunu anlayıp da keyfiyeti nazır veyahud müdir veyahud memuruna haber verirler ise bu sehiv yedinci bendde beyan kılındığı minval üzere tashih edilecektir (3)

Dokuzuncu bend gerek imrariye ve gerek ruhsatiye tezkereleri mu'tad sened olup an zayi' diğerlerinin itasında mehâzir görünmesiyle her kim olursa olsun an zayi' namıyla mükerreren olarak meccanen diğer imrariye veyahud ruhsatiye tezkeresi verilmeyecekdir

Onuncu bend her ne sebebe mebni olur ise olsun resm-i mürûru mahallinde bırakılıp terkî tarihinden i'tibaren bir seneye kadar sahibi zuhuruyla resm-i mürûrunu balada kaldırılmayan duhanlar duhan nazırı veyahud müdir veyahud memuru ve ol mahallin meclisi ma'rifetleriyle alenen ve peşinen müzayede ve füruht olunarak ol vechle satılmış ve esman-ı hasılası kaç guruşa reside olmuş olduğunu

(2) Tezkere sehvinden dolayı ne vechle muamele olunacağı yedinci bend zirine şerh verilmişdir
(3) Diyar-ı ecnebiyeye gidecek tütünün nizamname-i mahsusu olduğundan bu bendin hükmü yalnız dahilde sarf olunacak tütünlere mahsusdur