666

Dahi mahreci olan idareden isti‘lâm ile bi’t-tahkîk bir gûne fesad olmadığı tebeyyün eylediği halde red olunmak ve aksi takdirinde irad kayd kılınmak üzere zikr olunan duhanın sahibinden resm-i mürûrîsi depozito suretiyle ahz edilecektir.

Altıncı Madde: Zikr olunduğu minval üzere zurûfu kurşun mühürlü ve emrâriye tezkeresi şerhli olarak bir idareye duhan çıkarılıb nizamı vechle mezkûr emrâriye tezkeresi alıkonularak ve bâlâda zikri geçtiği vechle kurşun mühürleri dahi alınarak bedeline ruhsatiye tezkeresi bi’l-itâ derûn-ı belediye idhal olunduktan sonra ol duhanın cümlesi veyahud bir mikdarı muahharan tekrar bahren diğer bir mahalle götürülecek olduğu halde dahi birinci maddede beyanı geçtiği usulde zurûfu üzerine beher mühre yirmişer para alınarak kurşun mühür darb edilecek ve meccanen tezkeresi verilecektir.

Yedinci Madde: İşbu kurşun mührü muamelesi yalnız bir iskeleden diğer iskeleye bahren imrâr olunan duhanlar hakkında olduğundan berren bir mahalden diğer mahalle nakl edilen tütünler evvelki gibi mühürsüz nakl ve imrâr olunacaktır.

Sekizinci Madde: İşbu talimatın rüsumat idarelerine vusûlüyle ahkâmının icrasına şurû‘una kadar bi’t-tabi‘ sefineye tahmîl olunmuş kurşun mühürsüz tütünler bulunacağı cihetle böyle mühürsüz tahmîl olunmuş tütünlerin arkası alınmak içün bir mühlet itâsı lâzimeden bulunmağla talimat-ı mezkûrenin icra-yı ahkâmı zımnında rüsumat emanet-i celilesinden yazılacak tahrîrât-ı umumiyenin tarih-i vusûlünden itibaren her idarede kurşun mührünün istimaline başlanmasıyla beraber işbu bin iki yüz seksen beş sene-i rûmiye yirmi bir kânûn-ı sânîsine müsadif olan bin iki yüz seksen altı senesi şehr-i zilkadesinin birinci gününe kadar diğer bir idareden her kangı idareye tezkerenin tarihi her ne olursa olsun mühürsüz gelecek duhanlar evvelki gibi mühür aranmayarak kabul olunub tarih-i mezbûrdan sonra gelecek tütünler hakkında bâlâda dördüncü maddede muharrer olduğu vechle muameleye ibtidâr olunacaktır.

Fî 27 Receb sene 1286
Ve fî 20 Teşrîn-i Evvel sene 1285

Memâlik