730

On ikinci madde: Süvari ve piyade efradına kaç guruş maaş tahsis olunur ise andan kol vekillerinin maaşları otuzar ve muavinlerinin maaşları on beşer guruş ziyade ita kılınır.

On üçüncü madde: Jurnal eminlerine yüz ellişer guruşdan iki yüz guruşa ve bölük ağalarıyla hesab eminlerine dört yüz guruşdan beşer yüze ve bölük ağası muavinlerine iki yüz elliden dört yüz guruşa ve tabur ağalarıyla idare eminlerine yedi yüz ellişerden biner guruşa ve alay beğlerine bin beşer yüz guruşdan ikişer bin beşer yüz guruşa kadar maaş verilir.

On dördüncü madde: Bir vilayet zabtiye alayından bir taburun bilcümle neferatının maaşları ol alayın diğer taburunun maaşından farklı olabilmek caizdir. Şu kadar ki bir taburda bulunan neferatın maaşları beyninde fark ve tefavüt olması ve bir sınıfda olan zabitan maaşının zam ve tenzili tecviz olunmayacaktır.

On beşinci madde: Mevadd-ı sabıkada muharrer maaşlardan maada alel-umum süvari ve piyade zabtiye neferatiyle kol vekillerine ve jurnal eminlerine yevmiye üçer yüz dirhemden ibaret olarak birer ve bölük ağalarına ve muavinlerine ikişer nan tayini ve süvari zabtiye zabitan ve neferatına nan tayininden başka yevmiye üç okka seksen dirhem şair ve dört kıyye samandan ibaret birer ve tabur ağalarına ikişer ve alay beğine üçer yem tayini dahi ita kılınır.

On altıncı madde: Alel-umum piyade asakir-i zabtiyenin bir tüfenk ve bir kasatura ve bir tabancası ve süvari neferatının bir filinta ve bir çift tabanca ile bir kılıcı olup bunlar palaskalarıyla beraber taraf-ı devletden ita olunur ve lede’l-iktiza cebhaneleri dahi canib-i miriden verilir.

On yedinci madde: Asakir-i zabtiyeye bir sene miadıyle bir setri ve bir pantolon ve bir fes ve üç sene miad ile bir yağmurluk ve piyade takımına senede iki çift kundura ve süvariye bir çift çizme verilir.

On sekizinci madde: Piyade neferat ile kol vekillerinin ve muavinlerinin ve jurnal eminlerinin

eminlerinin