Büyük Dil Modeli Tarafından Üretilen Metin
765
( Harîk vukûunda zâbıtaca ittihâz olunacak )
( usûl ve muâmelâta dâir tâlimâtdır )
Harîk mahallerine gitmeleri mu‘tâd olan me’mûrînden başka Bâb-ı Zaptiye Teftîş Müdîr ve Mu‘âvini dahi gidecek ve bunların ma‘iyetinde sınıf-ı evvelden birer müfettiş ve bu müfettişlerin refâkatlerinde üçer nefer teftîş me’mûru bulunacaktır.
İşbu müfettişler leyl ve nehâr münâvebe Zaptiye’de tevakkuf ederek harîk vukûunda gündüz ise Bâb-ı Zaptiye’den Teftîş Müdîr ve Mu‘âviniyle berâber derhâl harîka yetişip ve gece ise onlarla mahall-i harîkde birleşip sakaların sür‘at-i seyr ve hareketleriyle tulumbalar arkası kesilmeksizin su yetiştirmekle çalışacaklardır.
Bâb-ı Âlî ve Bâb-ı Seraskerî ve Neccârhâne ve Bâb-ı Zaptiye’de beşer süvâri ve on beşer piyâde olarak yirmişer saka münâvebe bekleyecek ve her dâirece bunlara birer me’mûr ta‘yîn olunarak harîk vukûunda tulumbacıbaşılar tulumbaları kaldırdıkları gibi o me’mûrlar dahi sakaları derhâl hareket ettirip mahall-i harîka yetiştirecek ve nöbetçi olmayan sakalar dahi derhâl bulundukları yerlerden hareket ve harîk mahalline muvâsalata müsâraat edeceklerdir.
İşbu sakalar her ne kadar Kethüdâ ve Yiğitbaşılarının idâreleri tahtında ise de harîk mahallinde gerek sakalar ve gerek Kethüdâ ve Yiğitbaşıları Teftîş Müdîr ve Mu‘âvini’nin tenbîhâtına mütâba‘at ve onların kumandasıyla hareket eyleyeceklerdir.
Devâir tulumbalarının beheri ile yirmi beş neferden ziyâde tulumbacı gitmeyip bundan ziyâde adam getirilecek olur ise Tulumbacıbaşılar Kânûn-ı Cezâ’nın yüz ikinci mâddesi hükmüne tevfîkan te’dîb olunacaklardır. İşbu tulumbalar Dersa‘âdet ve Bilâd-ı Selâse içün yedi dâireye taksîm ve yapılan defteri ‘umûm Tulumbacıbaşısına teslîm olunduğundan bundan böyle mezkûr defterde muharrer tertîb üzere hareketle hilâf-ı hâl vukû‘a getirilmemesine Tulumbacıbaşılar tarafından i‘tinâ kılınacak ve bu usûle ri‘âyet etmeyen tulumbanın re’îs ve efrâdı mâdde-i mezkûre mûcibince te’dîb edilecektir.
( Harîk vukûunda zâbıtaca ittihâz olunacak )
( usûl ve muâmelâta dâir tâlimâtdır )
Harîk mahallerine gitmeleri mu‘tâd olan me’mûrînden başka Bâb-ı Zaptiye Teftîş Müdîr ve Mu‘âvini dahi gidecek ve bunların ma‘iyetinde sınıf-ı evvelden birer müfettiş ve bu müfettişlerin refâkatlerinde üçer nefer teftîş me’mûru bulunacaktır.
İşbu müfettişler leyl ve nehâr münâvebe Zaptiye’de tevakkuf ederek harîk vukûunda gündüz ise Bâb-ı Zaptiye’den Teftîş Müdîr ve Mu‘âviniyle berâber derhâl harîka yetişip ve gece ise onlarla mahall-i harîkde birleşip sakaların sür‘at-i seyr ve hareketleriyle tulumbalar arkası kesilmeksizin su yetiştirmekle çalışacaklardır.
Bâb-ı Âlî ve Bâb-ı Seraskerî ve Neccârhâne ve Bâb-ı Zaptiye’de beşer süvâri ve on beşer piyâde olarak yirmişer saka münâvebe bekleyecek ve her dâirece bunlara birer me’mûr ta‘yîn olunarak harîk vukûunda tulumbacıbaşılar tulumbaları kaldırdıkları gibi o me’mûrlar dahi sakaları derhâl hareket ettirip mahall-i harîka yetiştirecek ve nöbetçi olmayan sakalar dahi derhâl bulundukları yerlerden hareket ve harîk mahalline muvâsalata müsâraat edeceklerdir.
İşbu sakalar her ne kadar Kethüdâ ve Yiğitbaşılarının idâreleri tahtında ise de harîk mahallinde gerek sakalar ve gerek Kethüdâ ve Yiğitbaşıları Teftîş Müdîr ve Mu‘âvini’nin tenbîhâtına mütâba‘at ve onların kumandasıyla hareket eyleyeceklerdir.
Devâir tulumbalarının beheri ile yirmi beş neferden ziyâde tulumbacı gitmeyip bundan ziyâde adam getirilecek olur ise Tulumbacıbaşılar Kânûn-ı Cezâ’nın yüz ikinci mâddesi hükmüne tevfîkan te’dîb olunacaklardır. İşbu tulumbalar Dersa‘âdet ve Bilâd-ı Selâse içün yedi dâireye taksîm ve yapılan defteri ‘umûm Tulumbacıbaşısına teslîm olunduğundan bundan böyle mezkûr defterde muharrer tertîb üzere hareketle hilâf-ı hâl vukû‘a getirilmemesine Tulumbacıbaşılar tarafından i‘tinâ kılınacak ve bu usûle ri‘âyet etmeyen tulumbanın re’îs ve efrâdı mâdde-i mezkûre mûcibince te’dîb edilecektir.