8

Sandıklarına teslim kılınan varidat-ı müteferrika içün her teslimde sureti işbu nizamnameye merbut bir makbuz senedini mal müdürü yazıp yirminci maddede beyan olunduğu üzere sandık emini ve kendisiyle kaymakam tarafından bi’t-temhir akçeyi teslim edene ita edilecektir.

Yirmi İkinci Madde
Kaza sandığına küll-i yevm vuku bulan teslimat verilecek nümûneye tevfikan rûznamçe namiyle tutulacak deftere kayd olunup beher günün varidatı mal müdürüyle sandık emini rûznamçe hülâsası namiyle nümûnesine tevfikan bir pusula yapıp müştereken temhir eyledikten ve mal müdürü sandık eminiyle rûznamçelerini mukabele ve yekdiğerinin defterini kalemle tasdik ve temhir ettikten sonra kaymakama verip rûznamçelerini kaymakam dahi yirminci bendde muharrer mühür ile tasdik edecektir.

Yirmi Üçüncü Madde
Her kazada bir mal müdürü olup kazanın tahsil memuru işbu mal müdürüyle birlikte sandık odasında oturacak ve her biri defatir-i mahsusasını tutacaktır.

Yirmi Dördüncü Madde
Mal müdürü varidat defterini beher ay nihayetinde rûznamçelerle mukabele edip re’s-i livaya gönderilecek kaza meclis-i idare mazbatasına derc olunacak irad hülâsasını meclis-i mezkûre ita edecektir.

( Fasl-ı Sânî )
( Kazada Emval-i Devletin Suret-i Sarfı )

Yirmi Beşinci Madde
Kazada muvazene suretinde mukannen olarak tayin olunmuş olan veyahut kaymakamlık mezuniyetleri dahilinde ve fevkalade olarak ifa kılınan her bir masraf içün her kim alacak ise usulü üzere varaka-i sahiha üzerine yazılmış bir senedi evvel-i emirde kaza mal müdürüne irae ile muvafık-ı kuyud ve dahil-i muvazene olan neviden ise "sarfı lazım gelir" ibaresi tahrir ile temhir edilip ve eğer fevkalade masarifatdan ise meclis-i idareye zahrını tasdik ve temhir ettirip badehu kaymakama irae ile kaymakam tarafından "verile" deyu işaret ve emvale mahsus mühür ile temhir kılındıktan sonra mal müdürü dahi kaymakamın işareti zîrine sah keşide edecektir.

* Her ne *