805

Bilfiil teftişine ve kâffe-i tahlilât ile umumen keşfe dair icraatına rey itası maddelerinden ibarettir.

Onuncu Madde: Emraz-ı umumiye ve sariyenin men-i davet ve sirayeti esbabını tayin ve gureba hastahanelerine nezaret ve tabib ve kabileye muhtaç olan aceze için tedabir-i teshiliyeyi tertip etmek Cemiyet-i Tıbbiye’ye aittir.

On Birinci Madde: Vilayatta emraz-ı mahûfe ve sariye zuhurunda mahalli etibbasının ittihaz edeceği tedabirin beyannameleri Nezaret-i Tıbbiye-i Mülkiye’ye ve Nezaret tarafından dahi Cemiyet-i Tıbbiye’ye ita olunarak tedabir-i vakıa tetkik ve inde’l-icap tashih ve tadil edildikten sonra kaleme alınacak talimatnameler li-ecli’l-icra mahallerine gönderilmek üzere Cemiyet canibinden Nezaret’e verilecektir.

On İkinci Madde: Cemiyet-i Tıbbiye-i Mülkiye vilayata tayin olunan etibbanın suret-i hareketlerine dair talimatnameleri tanzim ve bunların harekat ve muamelatına mütemadiyen nezaret edecek ve vilayatta sıhhiye meclisleri veya cemiyetleri teşkil olundukça nizamname layihalarını kaleme alıp icraatını dahi teftiş ve taharri eyleyecektir.

On Üçüncü Madde: Daire-i belediyenin ve anların maiyetlerine memur etibbanın tetkikatıyla mümkünü’l-isbat olup icraatları idare-i belediyeye ait olan umur-ı tanzifiye ve tedabir-i adiye-i sıhhiyeden maada ahvalde fen-i tıbba ait mevadd-ı dakik-i tıbbiyece tayin ve hükm edilecektir.

On Dördüncü Madde: Cemiyet-i Tıbbiye vezaif-i teftişiyesini tamamen icra etmek için lüzum gördükçe vilayata teftiş memurları tayini Bab-ı Ali’ye arz etmek üzere Nezaret’e tebligat-ı lazıme icra eyleyecektir.

On Beşinci Madde: Cemiyet-i Tıbbiye haftada iki defa inikad edecek ve etibbadan olan azası her içtima‘da bulunmağa mecbur olup eczacı deputatları on beş günde bir bulunacaklardır.

On Altıncı Madde: Cemiyetin icab-ı mevasime göre evkat-ı inikadı Nezaret’in inzimam-ı re’yiyle reis tarafından tayin olunur.