807

Yirmi dördüncü madde Cemiyet işbu nizamname ile tayin olunan hukuk
ve vezaifçe bi't-tecrübe tevsiat ve tebdilata lüzum gördükçe ve fenn-i tıbba dair terakkiyat
ve ıslahata muttali oldukça lazım gelen layihalarını kaleme alıp nezarete ita
eyleyecek ve nezaret dahi bunları mütalaat-ı zatiyesini ilave ile beraber Bab-ı Ali'ye
irsal edecektir

Fi 27 Şaban sene 1286

( Mekteb-i Tıbbiye-i Mülkiye Nizamnamesi )

( Mektebe Alınacak Şakirdan )

Mekatib-i rüşdiyeden ba-şehadetname çıkmış olanlar yahut ol derece malumat
sahibi bulunan teba-i Devlet-i Aliye İslam ve Hristiyan gençlerinden alınıp
on altı yaşından aşağı ve yirmi beş yaşından yukarı olmayacak ve içlerinde
taşralı bulunanlar doktorluk diplomalarını istihsal ettiklerinde kur'adan
muaf olup esna-yı tahsillerinde yalnız devamsız ve tahsile kabiliyetsizliği
tebeyyün edenler kur'aya idhal olunacaktır bununla bildiği mertebe taşralılardan
olacak ve hîn-i duhulünde tababet ve eczacılıktan her kankı sülke dahil olacak
olur ise ol vechle kayd ve tahrir olunacaktır