808

İşbu mektebe devam edecek talebe maaşsız olarak sabah gelip akşam
hanelerine gideceklerdir.
Mekteb-i mezkûr Mekteb-i Tıbbiye-i Şahane Nazırı bulunan zatın zîr-i nezaretinde olup
şimdilik Mekteb-i Tıbbiye-i Şahane dahilinde olarak bir binbaşı müdiriyle idare
olunacak ve bu müdir ile yalnız birinci sınıf hocası ibtidâ-yı teşkilinde
memur olunacaktır.
Mekteb-i mezkûrda tedris ve talim olunan fünûnun cümlesi mutlaka Türkçe lisan ile
tedris olunacaktır.
Mekteb-i mezkûrda tahsil olunacak fenlerin bir kısmı ulûm-ı tıbbiye ve diğer kısmı fünûn-ı
ispençiyariye olacaktır.
Talebe-i mekteb beş sınıftan ibaret olup tahsil-i tababet beş sene müddette
tekmil olunacaktır.
( Birinci sınıf dersleri ) İlm-i hikmet, ilm-i kimya ( İkinci sınıf )
İlm-i teşrih, fenn-i nebatat, fenn-i ispençiyari ( Üçüncü sınıf ) İlm-i hayvanat
İlm-i ef'al-i tabiiye-i insaniye, müfredat-ı tıb ( Dördüncü sınıf ) İlm-i emraz-ı dahiliye
Seririyat-ı tıbbiye, ilm-i emraz-ı hariciye, seririyat-ı cerrahiye, tıbb-ı kanunî
( Beşinci sınıf ) Keza keza keza keza fenn-i kıbale
İşbu beş sınıfta tedris olunacak cemî fünûn için sekiz hocanın
lüzumu olacaktır şöyle ki ilm-i hikmet-i tabîî ve ilm-i kimya için bir hoca
ilm-i teşrih için bir hoca, ilm-i nebatat ve hayvanat için bir hoca, ilm-i ef'al-i
tabiiye-i insaniye için bir hoca, kanun-ı tıb ve fenn-i kıbale için bir hoca
müfredat-ı tıb ve fenn-i ispençiyari için bir hoca, ilm-i emraz-ı dahiliye
ve seririyat-ı tıbbiye için bir hoca, ilm-i emraz-ı hariciye ve seririyat-ı cerrahiye
için bir hoca olacaktır.
Birinci ve ikinci ve üçüncü sınıflar hocaları Mekteb-i Tıbbiye-i Şahane'de mevcud
bulunan hoca muavinlerinden olup dördüncü ve beşinci sınıflar için müstakil
iki binbaşı ile bir kolağası hocalar nasb ve tayin olunacak ve bu binbaşılardan
biri seririyat-ı tıbbiye ve ilm-i emraz-ı dahiliye hocalığı ile müdir-i mekteb ve biri