809

‘İlm-i emrâz-ı hâriciye ve serîriyât-ı cerrâhiye hâcesi ve kol ağası bulunan
fenn-i kıbâle ile tıb kânûnu hâcesi olacakdır
talebenin müdâvemetine ve atvâr ve harekâtına dikkat itmek üzre iki nefer sınıf başı
olacakdır ve bunlardan birisi mektebin ibtidâ-i teşkîlinde ve diğeri dahi dördüncü
sınıfın ihdâsında alınacakdır
birinci ve ikinci ve üçüncü sınıflar Mekteb-i Tıbbiye-i Şâhâne’de bulunub dördüncü
ve beşinci sınıflar şâkirdânı Gurabâ Hastahânesi’nde serîriyât görecek ve ‘ulûm-ı
emrâziye ve fenn-i kıbâle ile tıb kânûnu dersi tederrüs idecek ve bu sınıflar
hâceleri mekteb-i mezkûrun me’mûr-ı müstakili olub üç evvelki sınıflar
hâcelerine beşer yüz guruş mâhiye tahsîs olunacakdır
beher sene Şevvâl-i şerîfin onuncu gününde derslere bed’ olunub Recebü’l-ferdin
ibtidâsında tekmîl olacakdır
gayr-az ta‘tîlât bir senede eyyâm-ı tedrîsiye iki yüz on günden ‘ibâret olub
her bir hâcenin vireceği dersler hâceler ma‘rifetiyle eyyâm-ı mezkûreye münâsib
vechle taksîm olunarak her bir fenn müddet-i mezkûre zarfında hitâm bulacakdır

( Ta‘tîlât )

Cum‘a (1) Ramazân (30) Bayram (10) Mevlûd (1) Leyâlî-i Kanâdil (3)
Cülûs-ı Hümâyûn (1)
her bir hâce haftada beş gün ders virüb bir günde geçmiş dersleri
i‘âde idecekdir
her bir dersin müddeti ol fennin vus‘at ve ehemmiyetine göre bir yâ bir buçuk sâ‘at
olacakdır
bir sene zarfından okunan dersler Receb-i şerîf ibtidâsında tekmîl olacağından
şehr-i mezkûr zarfında derslerin tekrârıyle meşgûl olunacakdır
Şa‘bân-ı şerîfin ibtidâsından sınıf imtihânlarına bed’ olunub on beşinde tekmîl
olacakdır
şâkirdân beher gün müdâvemete ve yedi sâ‘at müddet mektebde ikāmete mecbûr
olacakdır

102
k